Félags- og tómstundanefnd Svf. Skagafjarðar

Gunnar Sandholt, félagsmálastjóri, kynnir skýrslu, samantekt um aðgengi fatlaðra að stofnunum Sveitarfélagsins eins og þau voru í árslok 2006. Félags- og tómstundanefnd samþykkir að setja í gang vinnu við að forgangsraða verkefnum sem snúa að nefndinni. Þá ítrekar nefndin fyrri ósk um fund með Skipulags- og bygginganefnd um þetta mál. Ákveðið að senda öllum sveitarstjórnarfulltrúum samantekt á skýrslunni.

María Björk, frístundastjóri, kynnir stöðu mála við framkvæmdir á Húsi frítímans. Fyrir liggja teikningar arkitekta og er verið að vinna að lokafrágangi verkfræðiteikninga.

Þjónustukortin verða prentuð í þessari viku og send öllum börnum á grunnskólaaldri og íbúum sveitarfélagsins eldri en 67 ára. Stofnunum og fyrirtækjum verður boðið að kaupa árskort fyrir sína starfsmenn með 20% afslætti. Sama gildir um starfsmenn sveitarfélagsins.