Félagsmálanefnd

Árið 2001, mánudaginn 29. október - kom félagsmálanefnd saman til fundar á skrifstofu Skagafjarðar kl. 14⁰⁰.

Mætt voru: Elinborg Hilmarsdóttir, Trausti Kristjánsson, Gréta Sjöfn Guðmundsdóttir, Sólveig Jónasdóttir og Ásdís Guðmundsdóttir.

Auk þeirra starfsmenn nefndar Elsa Jónsdóttir og Gunnar M. Sandholt. 

 

Dagskrá:

1. Húsnæðismál.
2. Trúnaðarmál.
3. Endurskoðun jafnréttisáætlunar Sveitarfélagsins Skagafjarðar.
4. Lögð fram til kynningar gögn frá landsfundi jafnréttisnefnda á Hvolsvelli 19. – 20. október sl.
5. Umræður um þjónustusamning sveitarfélaga á Norðurlandi vestra og félagsmálaráðuneytisins um málefni fatlaðra.
6. Önnur mál.

Afgreiðslur:

1. Húsnæðismál.

• Samþykkt tvö viðbótarlán, sjá innritunarbók.
• Samþykkt leiga á Víðigrund 24, sjá innritunarbók.

Elsa vék af fundi.

2. Trúnaðarmál – Sjá trúnaðarbók.

3. Endurskoðun jafnréttisáætlunar Sveitarfélagsins Skagafjarðar.  Farið í gegnum áætlunina og gerðar lagfæringar á framkvæmdaáætlun.  Tillögur að breytingum á framkvæmdaáætlun:

“7. Framkvæmdaáætlun 2001 til 2004.

2001 – Frekari kynning áætlunarinnar.  Undirbúið námskeið fyrir konur um sveitarstjórnarmál og úttekt á launum starfsmanna sveitarfélagsins.

2002 – Haldið verði námskeið um sveitarstjórnarmál fyrir konur.  Kynntar niðurstöður launakönnunar.  Haldið verði námskeið um jafnréttismál fyrir ráðamenn og starfsmenn sveitarfélagsins.  Jafnréttisviðurkenning veitt.

2003 – Jafnréttisáætlun yfirfarin.  Úttekt verði gerð á þátttöku stúlkna og drengja í íþróttum.

2004 – Heildarendurskoðun á jafnréttisáætluninni.”

Tillögurnar voru samþykktar samhljóða.

4. Gögn frá landsfundi jafnréttisnefnda á Hvolsvelli 19. – 20. október sl, lögð fram til kynningar.  Ásdís gerði grein fyrir fundinum og helstu niðurstöðum hans.

5. Gréta Sjöfn Guðmundsdóttir vék sæti úr nefndinni og Ingibjörg Hafstað mætti í hennar stað.  Umræður um þjónustusamning sveitarfélaga á Norðurlandi vestra og félagsmálaráðuneytisins um málefni fatlaðra. Að beiðni félagsmálanefndar svaraði Gréta Sjöfn Guðmundsdóttir, yfirmaður búsetumála fatlaðra á Norðurlandi vestra, spurningum nefndarmanna um stöðu samninga byggðasamlagsins við Félagsmála­ráðuneytið.  Nefndin leggur áherslu á að fylgjast gaumgæfilega með framvindu samninganna.

6.Önnur mál.

• Umræður um sameiginlegan fund félagsmálanefndar, menningar-, íþrótta- og æskulýðsnefndar og skólanefndar um samþættingu þessara sviða.

Félagsmálastjóra falið að vinna að undirbúningi fundarins með menningar-, íþrótta- og æskulýðsfulltrúa og skólamálastjóra.

 

Fleira ekki gert, fundi slitið kl. 16.35

Elinborg Hilmarsdóttir

Gréta Sjöfn Guðmundsdóttir

Trausti Kristjánsson

Ingibjörg Hafstað

Sólveig Jónasdóttir