Fræðslunefnd Svf. Skagafjarðar

Desemberskýrslur leikskólanna í Skagafirði fyrir árið 2015 lagðar fram til kynningar. Skýrslur þessar eru hluti af árlegri upplýsingagjöf sveitarfélagsins til Hagstofu Íslands.

Fræðslunefnd ítrekar fyrri bókanir sínar um mikilvægi þess að framkvæmdum við nýja deild leikskólans Birkilundar sé hraðað svo sem verða má. Nefndin lýsir áhyggjum af því hve verkið hefur dregist.

Rætt um hvernig sumarlokunum leikskóla sumarið 2016 verður háttað. Afgreiðslu frestað til næsta fundar.

Reglur um flutning grunnskólabarna á milli skólahverfa í Sveitarfélaginu Skagafirði. Uppfæra þarf reglurnar en þær voru settar árið 2003 og endurskoðaðar 2008. Samþykkt að fela sviðsstjóra að endurskoða reglurnar og leita svara við álitaefnum.

Upplýst var um gang mála varðandi vinnu við gerð læsisstefnu Sveitarfélagins Skagafjarðar. Nefndin fagnar því hver vel fagfólk skólanna hefur tekið þessari vinnu og bindur vonir við að læsisstefna og framkvæmd hennar muni verða til að efla enn frekar nám í leik- grunn- og tónlistarskóla Skagafjarðar.