Fræðslunefnd Svf. Skagafjarðar

Fræðslunefnd samþykkir að leikskólar á Sauðárkróki verði lokaðir í fjórar vikur sumarið 2009. Leikskólastjórum falið að útfæra tímasetningar í samráði við fræðslustjóra.

Breytingar á innritunarreglum leikskóla ræddar. Samþykkt að breyta innritunarreglum skv. eftirfarandi:
Kafli I
1. gr. Út fellur setningin ,,enda eigi það lögheimili í Skagafirði"
3. gr. Út falla orðin ,,námsmanna (miðað við fullt nám),"
Kafli IV
1. gr. Við bætist setningin ,,Gjald skal greitt fyrir umsaminn vistunartíma óháð mætingu barns."

Lagt fram til kynningar skjalið ?Ferli þegar óskað er eftir flýtingu í skóla? sem skólaskrifstofan vann vegna ákvæða í nýjum lögum um möguleika á að nemendur hefji grunnskólanám fyrr en við 6 ára aldur.
Undir þessum lið sátu einnig fulltrúar grunnskóla
Fulltrúar leikskóla viku af fundi að afloknum þessum lið.

Fræðslunefnd samþykkir að hækka gjald vegna matar á leikskólum sem hér segir: Hádegismatur 3.490 kr. á mánuði, morgunhressing 1.604 kr. á mánuði og síðdegishressing 1.604 kr. á mánuði. Vistunargjöld verði óbreytt.

Fræðslunefnd samþykkir að vísa fjárhagsáætlun fyrir árið 2009 vegna leikskóla til byggðarráðs og 2. umræðu.

Lagðar fram til kynningar verklagsreglur sem settar hafa verið á höfuðborgarsvæðinu til að bregðast við röskun á skólastarfi.

Fræðslunefnd samþykkir að vísa fjárhagsáætlun fyrir árið 2009 vegna grunnskóla til byggðarráðs og 2. umræðu.

Fræðslunefnd samþykkir að vísa fjárhagsáætlun fyrir árið 2009 vegna tónlistarskóla til byggðarráðs og 2. umræðu.

Lagt fram erindi frá Söngskóla Alexöndru þar sem óskað er eftir viðræðum um fjárhagslegan stuðning við starf skólans. Erindinu hafnað.

Lögð fram umsókn frá Þóru Björk Jónsdóttur kennslu- og sérkennslufulltrúa á skólaskrifstofu um námsleyfi í eitt ár. Fræðslunefnd samþykkir erindið.

Fræðslunefnd samþykkir að vísa fjárhagsáætlun fyrir árið 2009 vegna annarra skólamála til byggðarráðs og 2. umræðu.