Landbúnaðarnefnd Svf. Skagafjarðar

Í trúnaðarbók Landbúnaðarnefndar voru færð þrjú mál sem fyrir voru tekin á fundinum.

Lagt fram bréf, dagsett 18 jánúar 2013, frá deildarstjóra tæknideildar Fjallabyggðar og varðar ágang búfjár milli sveitarfélaga. Landbúnaðarnefnd vísar erindinu til fjallskilanefndar Austur-Fljóta.

Lagt fram bréf frá Landgræðslu ríkisins varðandi fjárstyrk við verkefnið "Bændur græða landið" á árinu 2013. Landbúnaðarnefnd sér sér ekki fært að verða við erindinu.

Lagt fram tölvubréf frá nefndarsviði Alþingis þar sem óskað er umsagnar um frumvarp til laga um búfjárhald. Erindið barst föstudaginn 8. febrúar og frestur til að skila umsögn var til 13. febrúar, framlengdur síðar til 17. febrúar. Landbúnaðarnefnd vill gera athugasemd við stuttan frest til umsagnar og hefur ekki haft tök á að taka efnislega afstöðu til málsins á svo stuttum tíma.

Lagt fram tölvubréf frá nefndarsviði Alþingis þar sem óskað er umsagnar um frumvarp til laga um velferð dýra. Erindið barst föstudaginn 8. febrúar og frestur til að skila umsögn var til 13. febrúar, framlengdur síðar til 17. febrúar. Landbúnaðarnefnd vill gera athugasemd við stuttan frest til umsagnar og hefur ekki haft tök á að taka efnislega afstöðu til málsins á svo stuttum tíma.

Lagt fram til umsagnar tillaga til þingsályktunar um breytta skipan refaveiða. Landbúnaðarnefnd fagnar framkominni tillögu og styður hana fyrir sitt leiti.