Landbúnaðarnefnd Svf. Skagafjarðar

Farið yfir fjárhagsáætlun vegna 2012. Samþykkt rekstrarniðurstaða kr. 10.790.000.-

Jón örn gerði grein fyrir árangri og kostnaði við söfnun dýrahræa úr dreifbýli. Ákveðið er að verkefnið haldi áfram í óbreyttu formi árið 2012. Allmennt sorpmagn úr dreifbýlinu er um 800 tonn á ári til urðunar. Nauðsynlegt er að finna leiðir til að minnka það magn.

Siguður fór yfir vinnu við gerð nýrrar markaskrár. Söfnun marka er í gangi og leitað hefur verið eftir tilboðum í prentun. Stefnt er að útgáfu í ágúst 2012.

Farið yfir úttekt girðinga með þjóðvegum sem Sigurður framkvæmir ásamt fulltrúa Vegagerðarinnar. Alls fá 144 jarðir og jarðarpartar viðhaldsfé 2011 að upphæð samtals kr. 5.855.531.-

Landbúnaðarnefnd áréttar að Sveitarfélagið hefur þá skyldu að viðhalda skilaréttum samkvæmt fjallskilareglugerð. Aðaláhersla viðhaldsframkvæmda næsta árs er á Mælifellsrétt.

Haraldur Þór fór yfir leigusamning vegna Miklavatns og Fljótaár sem samþykktur var á Almennum félagsfundi 12.nóv 2011. Samningurinn var lagður fram á aðalfundi félagsins en afgreiðslu var þá frestað.

Haraldur gerði grein fyrir starfsemi Veiðifélagsins sem gerðar hafa verið nýjar samþykktir fyrir. Haraldur Þór er formaður félagsins.