Fjallskilamál

Ingibjörg Hafstað boðaði forföll. Til fundarins voru boðaðir: Björn Friðriksson fjallskilastjóri framhl. Seyluhrepps, Björn Ófeigsson og Smári Borgarsson fjallskilastjóri Lýtingsstaðahrepps. (Smári varamaður). EFTIRFARANDI GERÐIST: Einar setti fund og bauð fundarfólk velkomið. Einar skýrði frá tilefni fundarins, sem var að ræða um fjallskilamál, hann rifjaði upp umræður er fóru fram fyrir um einu ári, um að sameina fjallskiladeildir framhl. Seyluhrepps og fjallskiladeild Lýtingsstaðahrepps, sett voru þá fram drög að tilhögun, þær tillögur voru nú til umræðu á þessum fundi. Miklar umræður fóru fram og málin rædd frá ýmsum hliðum um tilhögun. Vilji virtist vera til að sameina deildirnar. Þá var allnokkur umræða um rekstur skálanna. Samþykkt var að halda fund um þær hugmyndir, sem ræddar voru, í næstu viku. Þá þarf að funda með Bólhlíðingum.

Afgreiðsla 132. fundar landbúnaðarnefndar staðfest á 227. fundi sveitarstjórnar með níu atkvæðum.

Þá fór fram umræða um rekstur skálanna á Eyvindarstaðaheiði svo og kostnað við endurbætur og viðbyggingar við Galtarárskála. Samþ. var að koma á fót samráðsnefnd um rekstur skálanna svo og um málefni Eyvindarstaðaheiðar.
Samráðsnefnd samanstandi af eftirtöldum: Sveitarfél. Skagafj. 2 fulltr.; Húnavatnshreppur 2 fulltr.; Upprekstrarfélag Eyvindarstaðaheiðar 2 fulltr.; Eyvindarstaðaheiði ehf 2 fulltr. og frá Heiðafélagi Blöndu og Svartár 1 fulltr. ? samt. 9 fulltrúar. Skagfirðingar boði starfshópinn til fyrsta fundar.

Afgreiðsla 141. fundar landbúnaðarnefndar staðfest á 249. fundi sveitarstjórnar með níu atkvæðum.