Útikennsla - Litla Skógi

Í Árskóla er byrjað að undirbúa verkefni sem lýtur að útikennslu. Með útikennslu er átt við að nemendur fara út u.þ.b. einu sinni í viku og vinna fjölbreytt verkefni úti undir beru lofti. Eru allar námsgreinar undir. Hugmyndir hafa komið fram um að nýta Litla-Skóg sem útikennslustofu því hann er í næsta nágrenni við skólann. Þessi nýting veldur ekki mikilli röskun á umhverfinu og aðeins er notast við einfaldan efnivið, t.d. trjágreinar og drumba, möl og kaðla. Þar sem umrætt svæði er útivistarsvæði fyrir almenning er ósk um að fá leyfi til að nýta hluta af skóginum undir starfsemina og halda áfram með verkefnið. Umhverfis- og samgöngunefnd tekur vel í erindið og óskar eftir að fá forsvarsmenn verkefnisins á næsta fund nefndarinnar.

Afgreiðsla 41. fundar umhverfis- og samgöngunefndar staðfest á 245. fundi sveitarstjórnar með níu atkvæðum.

Á fundinn komu Hólmfríður Guðmundsdóttir og Sigurlaug Konráðsdóttir kennarar í Árskóla sem eru forsvarsmenn verkefnis sem lýtur að útikennslu. Með útikennslu er átt við að nemendur fara út u.þ.b. einu sinni í viku og vinna fjölbreytt verkefni úti undir beru lofti. Eru allar námsgreinar undir. Hugmyndir hafa komið fram um að nýta Litla-Skóg sem útikennslustofu því hann er í næsta nágrenni við skólann. Þessi nýting veldur ekki mikilli röskun á umhverfinu og aðeins er notast við einfaldan efnivið, t.d. trjágreinar og drumba, möl og kaðla. Þar sem umrætt svæði er útivistarsvæði fyrir almenning er ósk um að fá leyfi til að nýta hluta af skóginum undir starfsemina og halda áfram með verkefnið. Nefndin samþykkir að nýta hluta Litla Skógar sem útikennslustofu og felur garðyrkjustjóra ásamt forsvarsmönnum verkefnisins að velja svæði í Litla Skógi. Gera þarf skriflegt samkomulag milli Árskóla og Sveitarfélagsins um verkefnið.

Afgreiðsla 44. fundar umhverfis- og samgöngunefndar staðfest á 249. fundi sveitarstjórnar með níu atkvæðum.