Skýrsla velferðarhóps

Á 17. Ársþingi SSNV 2009 var skipaður starfshópur sem hafði það hlutverk að fjalla um möguleika á auknu samstarfi aðildarsveitarfélaga SSNV á sviði velferðarmála. Stafshópurinn hefur skilað skýrslu um mögulegt samstarf á sviði félagsþjónustu á Norðurlandi vestra. Málið var til kynningar.

Lögð fram skýrsla starfshóps SSNV um mögulegt samstarf á sviði félagsþjónustu á Norðurlandi vestra ("velferðarhóps"), sem rædd verður á þingi SSNV nú um helgina.

Félags- og tómstundanefnd telur mikilvægt að sveitarfélögin á Norðurlandi vestra standi saman að faglegu samstarfi og pólitísku samráði um félagsþjónustu og aðra grunnþjónustu á svæðinu. Nefndin telur að skýrslan sé gagnlegt innlegg í þá umræðu en hvetur til að málið verði skoðað betur, m.a. kostnaðargreint, áður en ákvarðanir eru teknar um formlegt byggðasamlag um almenna félagsþjónustu. Jafnframt telur nefndin að skoða beri hliðstætt samráð um fleiri þætti velferðarþjónustunnar s.s. frístundamál og skólaþjónustu, en sveitafélagið hefur á undanförnum árum lagt áherslu á samþætta fjölskylduþjónustu og gerir enn.

Afgreiðsla 162. fundar félags- og tómstundanefndar staðfest á 267. fundi sveitarstjórnar með sex atkvæðum.