Starfsemi Héraðsskjalasafns Skagfirðinga

Unnar Ingvarsson héraðsskjalavörður kynnti starfsemi Héraðsskjalasafnsins og ársskýrslu þess fyrir árið 2009. Fyrirspurnum og heimsóknum á safnið fjölgaði umtalsvert á síðasta ári og safninu barst mikið magn gagna. Á safninu starfa þrír starfsmenn í 2,3 stöðugildum, auk þess sem 12 manns störfuðu við skráningu skjala og manntala samkvæmt sérstökum samningi við Þjóðskjalasafn Íslands, undir verkstjórn héraðsskjalavarðar.

Rætt var sérstaklega um áðurnefnt skráningarverkefni sem unnið er í samráði við Þjóðskjalasafn, en óvissa er um framtíð þess á næsta ári vegna fjárveitinga.

Afgreiðsla 47. fundar menningar- og kynningarnefndar staðfest á 268. fundi sveitarstjórnar með sex atkvæðum. Gréta Sjöfn Guðmundsdóttir, Jón Magnússon og Sigríður Svavarsdóttir óska bókað að þau sitji hjá.