Tillaga um að færa starfsmannafundi í leikskólum inn á dagvinnutíma

Lögð fram tillaga fræðslunefndar um að starfsmannafundir í leikskólum verði haldnir á dagvinnutíma frá og með 1. janúar 2011.

Byggðarráð samþykkir tillögu fræðslunefndar og leggur fram eftirfarandi bókun:

"Í tengslum við gerð fjárhagsáætlunar verður yfirvinna allra starfsmanna sveitarfélagsins skoðuð og er þessi tillaga liður í þeirri heildarendurskoðun."

Gréta Sjöfn Guðmundsdóttir leggur fram svohljóðandi tillögu:

"Lagt er til að í stað þess að fjalla einungis um launaforsendur starfsmanna leikskóla verði farið almennt yfir launasamninga starfsmanna þá sérstaklega yfirmanna/stjórnenda m.a. m.t.t. yfirvinnu, dagpeninga og aksturspeninga."

Byggðarráð hafnar tillögunni þar sem þessi vinna er þegar í gangi við undirbúning fjárhagsáætlunar 2011.

Gréta Sjöfn Guðmundsdóttir óskar bókað: "Það er dapurlegt að fyrsta tillaga byggðarráðs í hagræðingrskyni skuli bitna á smábörnum og barnafjölskyldum og konum í láglaunastörfum. Þessi ákvörðun mun einnig hafa áhrif á atvinnulífið í sveitarfélaginu."

Gréta Sjöfn Guðmundsdóttir ítreka bókun sína frá fundi byggðarráðs 9. desember.

"Það er dapurlegt að fyrsta tillaga byggðarráðs í hagræðingarskyni skuli bitna á smábörnum og barnafjölskyldum og konum í láglaunastörfum. Þessi ákvörðun mun einnig hafa áhrif á atvinnulífið í sveitarfélaginu."

Afgreiðsla 539. fundar byggðaráðs staðfest á 273. fundi sveitarstjórnar með átta atkvæðum. Gréta Sjöfn Guðmundsdóttir óskar bókað að hún sitji hjá.