Umsagnar óskað um frumvarp til laga um náttúruvernd

Umhverfis- og samgöngunefnd Alþingis hefur sent til umsagnar frumvarp til laga um náttúruvernd (heildarlög), 429. mál.
Málið verður tekið fyrir í umhverfis- og samgöngunefnd.

Lagt er fram erindi frá Umhverfis- og samgöngunefnd Alþingis sem sendir til umsagnar frumvarp til laga um náttúruvernd (heildarlög), 429. mál. Þess er óskað að undirrituð umsögn berist fyrir 8. febrúar nk. á netfangið nefndasvid@althingi.is eða bréflega til Nefndasviðs Alþingis, Austurstræti 8-10, 150 Reykjavík.

Afgreiðsla 81. fundar umhverfis- og samgöngunefndar staðfest á 297. fundi sveitarstjórnar með níu atkvæðum.

Umhverfis- og samgöngunefnd Sveitarfélagsins Skagafjarðar vísar í og tekur undir umsögn Sambands íslenskra sveitarfélaga og mótmælir jafnframt skerðingu á skipulagsvaldi sveitarfélaga. Jafnframt er mótmælt ákvæði til bráðabirgða, liður 2., þar sem núgildandi náttúruminjaskrá á sjálfkrafa að falla undir ákvæði laga um minjar í C hluta náttúruminjaskrár.

Afgreiðsla 82. fundar umhverfis- og samgöngunefndar staðfest á 298. fundi sveitarstjórnar með níu atkvæðum.