Sveitarstjórn Sveitarfélagins Skagafjarðar

Fundargerð 81. fundar umhverfis- og samgöngunefndar lögð fram til afgreiðslu á 297. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Enginn kvaddi sér hljóðs.

Fundargerð 17. fundar Samstarfsnefndar með Akrahreppi lögð fram til afgreiðslu á 297. fundi sveitarstjórnar eins og einstök erindi bera með sér. Sigríður Svavarsdóttir kynnti fundargerð. Svanhildur Guðmundsdóttir og Bjarki Tryggvason kvöddu sér hljóðs.

Forseti bar upp tillögu um Einar E Einarsson sem fulltrúa í stjórn Skagafjarðarveitna í stað Einars Gíslasonar.
Aðrar tilnefningar komu ekki fram og skoðast hann því rétt kjörinn.
Sveitarstjórn Sveitarfélagsins Skagafjarðar þakkar Einari Gíslasyni störf hans í þágu Skagafjarðarveitna.

Sveitarstjórn Sveitarfélagsins Skagafjarðar samþykkir hér með að taka lán hjá Kaupfélagi Skagfirðinga, Ártorgi 1, Sauðárkróki, kt. 680169-5009, samkvæmt meðfylgjandi fjármögnunarsamningi, vegna viðbyggingar og viðhaldsframkvæmda við Árskóla á Sauðárkróki með það að markmiði að sameina á einum stað skólahald Árskóla og til að bæta aðbúnað skólabarna og starfsmanna. Lánveitandi lánar til verkefnisins allt að íslenskar krónur 600.000.000 -sexhundruðmilljónir- , í samræmi við samþykkta skilmála fjármögnunarsamningsins sem liggur fyrir fundinum.
Til tryggingar láninu er einföld ábyrgð sveitarstjórnar Sveitarfélagsins Skagafjarðar.
Jafnframt er Ástu Björgu Pálmadóttur kt. 040764-2839, sveitarstjóra, veitt fullt og ótakmarkað umboð til þess f.h. Sveitarfélagsins Skagafjarðar að undirrita fjármögnunarsamning við Kaupfélag Skagfirðinga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

Sigurjón Þórðarson, Stefán Vagn Stefánsson og Jón Magnússon kvöddu sér hljóðs.

Sigurjón Þórðarson tók til máls og lagði fram eftirfarandi bókun: Meirihluti Sveitarfélagsins Skagafjarðar hefur staðið mjög óeðlilega að stærstu framkvæmd sveitarfélagsins á kjörtímabilinu. Sú leynd sem ríkt hefur um verkkaup, kostnað og fjármögnun, getur ekki talist eðlileg af hálfu opinbers aðila í samskiptum sínum við eitt einstakt fyrirtæki, nú árið 2013 - nokkrum árum eftir hrun þegar krafan um gagnsæi verður sífellt háværari. Það er ljóst að þegar verkefninu var ýtt úr vör, þá var skuldastaða Sveitarfélagsins Skagafjarðar mun verri en þær áætlanir sem gengið var út frá gerðu ráð fyrir, þegar áhrif aukinnar skuldsetningar vegna byggingaframkvæmda var metin.
Í aðdraganda byggingaframkvæmdanna var gefið í skyn að framkvæmdirnar yrðu fjármagnaðar vaxtalaust á byggingartíma. Samkvæmt fjármögnunarsamningi, sem undirritaður er af Þórólfi Gíslasyni og sveitarstjóra, er svo alls ekki, heldur munu vextir samkvæmt byggingarvísitölu falla á sveitarsjóð strax á framkvæmdatíma. Byggingarvísitala tekur mjög mið af gengi íslensku krónunnar og geta sveiflur orðið gríðarlegar á skömmum tíma. Nýleg dæmi eru um byggingarvístalan hafi hækkað um tugi prósenta á milli ára og það er því augljóslega mikil áhætta falin í því fyrir sveitarsjóð að binda fjárskuldbindingar sínar við byggingarvísitölu. Sértaklega er áhættan mikil í ljósi veikrar stöðu íslensku krónunnar

Bjarki Tryggvason kvaddi sér hljóðs, þá Stefán Vagn Stefánsson sem lagði fram eftirfarandi bókun:
Mikilvægt er að rétt sé með farið þegar rætt er um tölur og staðreyndir. Sveitarstjórnarfulltrúa Frjálslyndra og óháðra er bent á að kynna sér málið áður en hann fer í ræðustól.

Viggó Jónsson kvaddi sér hljóðs, þá Sigurjón Þórðarson sem lagði fram bókun.
Fulltrúi Frjálslyndra og óháðra leggur fram eftirfarandi bókun: Framangreind bókun formanns byggðarráðs einkennist af gorgeir sérstaklega í ljósi þess að hann hefur verið staðinn að því að halda gögnum frá fulltrúum minnihlutans.

Svanhildur Guðmundsdóttir tók til máls, þá Jón Magnússon og Viggó Jónsson.
Stefán Vagn Stefánsson tók til máls og lagði fram bókun: Engum gögnum hefur verið haldið frá fulltrúum minnihlutans í þessu máli.

Fjármögnunarsamningur milli Kaupfélags Skagfirðinga og Sveitarfélagins Skagafjarðar, að upphæð allt að sex hundruð milljónir króna, borin undir atkvæði og samþykktur með sjö atkvæðum, Viggó Jónsson og Sigurjón Þórðarson óska bókað að þeir sitji hjá.

Forseti bar upp tillögu um Margeir Friðriksson sem fulltrúa í stjórn Timatákns efh í stað Áskels Heiðars Ásgeirssonar.
Aðrar tilnefningar komu ekki fram og skoðast hann því rétt kjörin. Sveitarstjórn þakka Áskeli Heiðari störf hans.

Sveitarstjórn Sveitarfélagsins Skagafjarðar samþykkir að veita Ástu B. Pálmadóttur, sveitarstjóra, heimild til skammtímalántöku hjá Lánasjóði sveitarfélaga ohf. að fjárhæð allt að 150.000.000 kr. Heimildin gildir út árið 2013.
Heimild til skammtímalántöku hjá Lánasjóði sveitarfélaga ohf. að fjárhæð allt að 150.000.000.- borin undir atkvæði og samþykkt með níu atkvæðum.

Fundargerð stjórnar Skagafjarðarveitna frá 19. desember 2012 lögð fram til kynningar á 297. fundi sveitarstjórnar.

Fundargerð skólanefndar Fjölbrautaskóla Norðurlands vestra á Sauðárkróki frá 12. desember 2012, lögð fram til kynningar á 297. fundi sveitarstjórnar.

Fundargerð stjórnar Norðurár bs frá 29. nóvember 2012 lögð fram til kynningar á 297. fundi sveitarstjórnar. Sigurjón Þórðarson og Stefán Vagn Stefánsson kvöddu sér hljóðs.

Fundargerð stjórnar Menningarráðs Norðurlands vestra frá 18. desember 2012 lögð fram til kynningar á 297. fundi sveitarstjórnar.

Fundargerð Heilbrigðisnefndar Norðulands vestra frá 18. desember 2012 lögð fram til kynningar á 297. fundi sveitarstjórnar.

Fundargerð stjórnar Sambands íslenskra sveitarfélaga frá 12. desember 2012 lögð fram til kynningar á 297. fundi sveitarstjórnar.

Fundargerð 615. fundar byggðarráðs lögð fram til afgreiðslu á 297. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Sigurjón Þórðarson, Stefán Vagn Stefánsson, Bjarni Jónsson með leyfi forseta, Sigurjón Þórðarson, Jón Magnússon, Bjarni Jónsson með leyfi forseta, Viggó Jónsson kvöddu og Sigurjón Þórðarson sér hljóðs.

Fundargerð 614. fundar byggðarráðs lögð fram til afgreiðslu á 297. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Enginn kvaddi sér hljóðs.

Fundargerð 616. fundar byggðarráðs lögð fram til afgreiðslu á 297. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Sigurjón Þórðarson og Bjarni Jónsson með leyfi forseta, kvöddu sér hljóðs.