Refa- og minkaveiði 2014

Lögð fram áætlun um skiptingu á veiðiheimildum til minka- og refaveiðimanna vegna ársins 2014. Samtals úthlutað 6.087.000 kr.
Landbúnaðarnefnd samþykkir fyrirliggjandi úthlutun.

Áætlun um minka- og refaveiði á árinu 2014 eftir veiðisvæðum kynnt fyrir veiðimönnum. Af þeirra hálfu mættu á fundinn Jón Númason, Þorsteinn Ólafsson, Garðar Jónsson, Jóhann Guðbrandsson, Pálmi Ragnarsson, Stefán Sigurðsson, Hans Birgir Friðriksson og Birgir Á. Hauksson.

Garðar Jónsson óskar að bókað verði að hann vilji að gjaldskráin verði þannig að greitt verði sama gjald fyrir öll svæði.

Landbúnaðarnefnd samþykkir að gjaldskrá ársins 2014 verði eftirfarandi:
Minkaveiði: Greitt til veiðimanna 7.200 kr./dýr, til annarra 1.800 kr./dýr.
Refaveiði
Grendýr: Greitt til veiðimanna (létt svæði) 15.000 kr./dýr, greitt til veiðimanna (erfitt svæði) 20.000 kr./dýr.
Greitt til veiðimanna vegna hlaupadýra/vetrarveiði 9.000 kr./dýr, til annarra 4.000 kr./dýr.

Afgreiðsla 172. fundar landbúnaðarnefndar staðfest á 315. fundi sveitarstjórnar 7. maí 2014 með níu atkvæðum.

Afgreiðsla 173. fundar landbúnaðarnefndar staðfest á 315. fundi sveitarstjórnar 7. maí 2014 með níu atkvæðum.