Hrolleifsdalur - virkjun holu SK-32.

Farið var yfir stöðu mála vegna virkjunar á holu SK-32 í Hrolleifsdal. Verkið felst í því að koma niður dælu í holu sem boruð var árið 2012 með 10 tommu stálröri niður á 270,5 metra og dælan verður á 200 m dýpi. Einnig þarf að reisa dæluhús yfir holuna og tengja hana við núverandi stofnlögn. Virkjun á nýrri holu mun auka afhendingaröryggi á heitu vatni til notenda og nauðsynleg viðbót þegar horft er til stækkunar veitusvæðisins.
Búið er að steypa sökkla undir dæluhús og stefnt er á að setja dælu niður í lok september. Ef framkvæmdir ganga vel verður holan tilbúin til notkunar fyrir áramót.

Afgreiðsla 8. fundar veitunefndar staðfest á 318. fundi sveitarstjórnar með níu atkvæðum

Nefndarmönnum kynnt staða framkvæmda við virkjun borholu SK-32 í Hrolleifsdal.
Byrjað er að prufudæla úr holunni og er vatnið nýtt inn á kerfið.
Prufudæling gefur góða raun.

Afgreiðsla 10. fundar veitunefndar staðfest á 321. fundi sveitarstjórnar 26. nóvember 2014 með níu atkvæðum.