Samningur um skólamáltíðir í Árskóla - ósk um breytingu

Lagt fram bréf frá Grettistaki Veitingum ehf., dagsett 5. október 2015 þar sem forsvarsmenn fyrirtækisins óska eftir að samningi um skólamáltíðir í Árskóla verði breytt og verð pr. máltíð verði hækkað frá því sem nú er, frá og með 1. janúar 2016.
Byggðarráð vísar erindinu til fræðslunefndar og gerðar fjárhagsáætlunar fyrir árið 2016.

Tekið fyrir erindi frá Grettistaki veitingum ehf. þar sem óskað er eftir að ákvæði samnings um kaup sveitarfélagsins á hádegisverði fyrir Árskóla verði endurskoðað. Nefndin samþykkir að vísa erindinu til frekari umfjöllunar við gerð fjárhagsáætlunar og leggja tillögu fyrir næsta fund.

Afgreiðsla 715. fundar byggðaráðs staðfest á 333. fundi sveitarstjórnar 11. nóvember 2015 með átta atkvæðum.

Afgreiðsla 107. fundar fræðslunefndar staðfest á 333. fundi sveitarstjórnar 11. nóvember 2015 með átta atkvæðum.

Lagt fram bréf frá Grettistaki Veitingum ehf., dagsett 5. október 2015, þar sem óskað er eftir að samningi um skólamáltíðir í Árskóla verði breytt og að verð fyrir hverja máltíð hækki frá því sem nú er. Erindinu vísað til nefndarinnar frá byggðarráði. Nefndin samþykkir að gjald fyrir hverja máltíð hækki um 50 kr. frá og með 1. janúar 2016, enda mikilvægt er að tryggja gæði málsverða þannig að þeir uppfylli markmið Lýðheilsustöðvar og Manneldisráðs.

Afgreiðsla 108. fundar fræðslunefndar staðfest á 334. fundi sveitarstjórnar 9. desember 2015 með níu atkvæðum.