Rekstur félagsheimilisins Ljósheima

Tekið fyrir erindi frá Kvenfélaginu Framför í Skarðshreppi þar sem félagið lýsir yfir áhuga sínum á að taka við rekstri Félagsheimilisins Ljósheima en félagið er meðeigandi að húsinu.

Atvinnu-, menningar- og kynningarnefnd samþykkir að fá stjórn kvenfélagsins á næsta fund nefndarinnar.

Steinunn Rósa Guðmundsdóttir vék af fundi við afgreiðslu þessa máls.

Afgreiðsla 32.fundar atvinnu- menningar- og kynningarnefndar staðfest á 341. fundi sveitarstjórnar 11. maí 2016 með níu atkvæðum.

Til fundar við nefndina komu Steinunn Rósa Guðmundsdóttir og Sigrún Baldursdóttir frá Kvenfélaginu Framför en félagið hefur áhuga á að taka við rekstri á félagsheimilinu Ljósheimum á sömu forsendum og samningur við núverandi rekstraraðila hljóðar upp á.

Steinunn Rósa Guðmundsdóttir áheyrnarfulltrúi Vinstri grænna og óháðra óskar bókað að hún taki ekki þátt í afgreiðslu málsins vegna formennsku í Kvenfélaginu Framför.

Nefndin samþykkir að auglýsa félagsheimilið Ljósheima til leigu frá og með 1. júlí 2016 og bendir Kvenfélaginu Framför að staðfesta umsókn sína um leigu á húsinu.

Afgreiðsla 33. fundar atvinnu-, menningar- og kynningarnefndar staðfest á 344. fundi sveitarstjórnar 29. júní 2016 með níu atkvæðum.