Sveitarstjórn Sveitarfélagins Skagafjarðar

Fundargerð 289. fundar skipulags- og byggingarnefndar lögð fram til afgreiðslu á 344. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð.
Samþykkt með níu greiddum atkvæðum.

Fundargerð 113. fundar fræðslunefndar lögð fram til afgreiðslu á 344. fundi sveitarstjórnar eins og einstök erindi bera með sér. Þórdís Friðbjörnsdóttir kynnti fundargerð.
Samþykkt með níu greiddum atkvæðum.

Fundargerð 234. fundar félags- og tómstundanefndar lögð fram til afgreiðslu á 344. fundi sveitarstjórnar eins og einstök erindi bera með sér. Bjarki Tryggvason kynnti fundargerð.
Samþykkt með níu greiddum atkvæðum.

Lagt fram bréf dags. 26. júní 2016 frá Guðrúnu Sighvatsdóttur þar sem hún óskar eftir lausn frá stjórnarsetu í Húsnæðissamvinnufélagi Skagafjarðar.

Sveitarstjórn þakkar Guðrúnu vel unnin störf og veitir henni umbeðna lausn.

Forseti gerir tillögu um Gísla Sigurðsson í stað Guðrúnar og Sigríði Svavarsdóttur til vara.
Aðrar tilnefningar bárust ekki og skoðast þau því réttkjörin.

Lagt fram bréf dags. 9. júní 2016 frá Höllu Ólafsdóttur þar sem hún óskar eftir lausn frá nefndarstörfum, sem varaformaður félags- og tómstundanefndar frá og með 1. júlí 2016.

Sveitarstjórn þakkar Höllu vel unnin störf og veitir henni umbeðið leyfi.

Forseti gerir tillögu um Guðnýju Axelsdóttur í stað Höllu og Sigríði Svavarsdóttur til vara.
Aðrar tilnefningar bárust ekki og skoðast þær því réttkjörnar.

Lögð er fram til samþykktar skipulagslýsing vegna fyrirhugaðs deiliskipulags fyrir Flæðar og íþróttasvæði við Skagfirðingabraut á Sauðárkróki. Skipulagslýsingin er unnin hjá Úti og Inni sf. arkitektum af Baldri Ó. Svavarssyni, dagsett 26.maí 2016.

Tillaga frá skipulags- og byggingarnefnd um að leggja til við sveitarstjórn að auglýsa og kynna skipulagslýsinguna samkvæmt 40. grein skipulagslaga og í samræmi við ákvæði greinar 5.2.4. í skipulagsreglugerð borin undir atkvæði og samþykkt með níu atkvæðum.

Bjarni Jónsson tók til máls og óskar bókað:
Framundan er deiliskipulagsferli á svæði sem tekur yfir okkar glæsilega íþróttasvæði, Sundlaug Sauðárkróks og Flæðarnar í hjarta bæjarins. Í skipulagslýsingu er gert ráð fyrir að hótel rísi á Flæðunum. Er hér gerður fyrirvari við þá staðsetningu. Bygging nýs hótels á Sauðárkróki yrði burtséð frá staðsetningu, hins vegar mikil lyftistöng fyrir uppbyggingu ferðaþjónustu og atvinnulíf á svæðinu. Framundan er deiliskipulagsferli á þeim reit sem sótt er um undir hótelið. Þar gefst íbúum tækifæri til að koma að athugasemdum og tillögum áður en endanlegar ákvarðanir verða teknar um mögulegar útfærslur eða staðsetningu á slíku hóteli ef af verður. Skiptar skoðanir eru um staðsetninguna og hvernig Flæðarnar njóti sín best í framtíðinni og má þann áherslumun eins og víðar finna í sveitarstjórnarhóp VG og óháðra.

Lagðar eru fram til samþykktar reglur um niðurgreiðslur á daggæslu barna í heimahúsum sem samþykktar voru á 234. fundi félags- og tómstundanefndar.

Félags- og tómstundanefnd samþykkir að bráðabirgðaákvæði 3. og 4. mgr. 10 greinar reglna um niðurgreiðslu Sveitarfélagsins Skagafjarðar á daggæslu í heimahúsum sem sett voru 2011 verði felldar inn í reglurnar og þær samþykktar þannig.
Bjarni Jónson, Bjarki Tryggvason, Bjarni Jónsson, Stefán Vagn Stefánsson og Bjarni Jónsson tóku til máls.
Bjarni Jónsson óskar bókað að hann sitji hjá við atkvæðagreiðslu þessa máls.

Bjarni Jónsson óskar bókað: Sveitarstjórn samþykkti við gerð fjárhagsáætlunar ársins að niðurgreiðslur vegna daggæslu í heimahúsum verði óbreyttar á árinu 2016 frá fyrra ári. Það þýðir í raun verulega lækkun greiðslna vegna þjónustu dagmæðra, í ljósi þeirra kostnaðar og launahækkana sem orðið hafa síðustu misseri. Ég sit því aftur hjá nú við afgreiðslu málsins.

Stefán Vagn Stefánsson óskar bókað: Einungis er um að ræða efnisbreytingu á reglugerðinni en gjaldskráin sem slík er óbreytt.

Tillaga félags- og tómstundanefndar borin undir atkvæði og samþykkt með átta greiddum atkvæðum.

Lögð fram gjaldskrá fyrir Minjahús Byggðasafns Skagfirðinga sumarið 2016, sem samþykkt var á 33. fundi atvinnu- menningar- og kynningarnefndar og 745. fundi byggðarráðs.

Sigríður Sigurðardóttir forstöðumaður Byggðasafns Skagfirðinga kom til fundar við nefndina og bar upp tillögu þess efnis að hafa gjaldfrjálsan aðgang að Minjahúsinu á Sauðárkróki út sumarið 2016. Ekki er gert ráð fyrir að þetta hafi áhrif á tekjuáætlun Byggðasafnsins á árinu 2016.

Framangreind gjaldskrá borin upp til afgreiðslu sveitarstjórnar og samþykkt með níu atkvæðum.

Lögð fram gjaldskrá, garðsláttur vinnuskóla 2016, sem samþykkt var á 234. fundi félags- og tómstundanefndar og á 745. fundi byggðarráðs.

Garður minni en 500 fm, fullt verð kr. 6.500.- / 3.700.- f. eldri borgara og öryrkja
Garður stærri en 500 fm, fullt verð kr. 9.900.- / 6.200.- f. eldri borgara og öryrkja

Framangreind gjaldskrá borin upp til afgreiðslu sveitarstjórnar og samþykkt með níu atkvæðum.

Fundargerð 26. fundar veitunefndar lögð fram til afgreiðslu á 344. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð.
Samþykkt með níu greiddum atkvæðum.

Fundargerð 745. fundar byggðarráðs lögð fram til afgreiðslu á 344. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Samþykkt með níu greiddum aðkvæðum.

Fundargerð 33. fundar atvinnu-, menningar- og kynningarnefndar lögð fram til afgreiðslu á 344. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð.
Samþykkt með níu greiddum atkvæðum.

Fundargerð 747. fundar byggðarráðs lögð fram til afgreiðslu á 344. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð.
Bjarni Jónsson og Gréta Sjöfn Guðmundsdóttir tóku til máls. Samþykkt með níu greiddum atkvæðum.

Fundargerð 744. fundar byggðarráðs lögð fram til afgreiðslu á 344. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Samþykkt með níu greiddum atkvæðum.

Fundargerð 746. fundar byggðarráðs lögð fram til afgreiðslu á 344. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð.
Gréta Sjöfn Guðmundsdóttir tók til máls.
Ingibjörg Huld Þórðardóttir óskar bókað að hún taki ekki þátt í afgreiðslu við lið 3.2 Barnaskóli Freyjugötu - kauptilboð.
Samþykkt með átta greiddum atkvæðum.