Dagforeldrar biðlistar

Kynnt fyrir nefndinni minnisblað vegna dagvistunar ungra barna. Ljóst er að vinna þarf að því að fjölga dagforeldrum. Félags- og tómstundanefnd tekur vel í þær hugmyndir sem þar eru kynntar og felur sviðsstjóra/félagsmálastjóra að vinna áfram að útfærslu og kostnaðargreiningu.

Lögð fram drög að breyttum reglum um dagvistun barna á einkaheimilum. Breytingarnar fela í sér:

1) Hækkun niðurgreiðslna um 20%. Upphæð niðurgreiðslunnar fyrir börn foreldra sem eru giftir eða í sambúð var 244 kr. en verður nú 293 kr. fyrir hverja keypta klukkustund og fyrir börn foreldra sem eru einstæðir eða báðir í námi var upphæðin 307 kr. en verður nú 368 kr. fyrir hverja keypta klukkustund. Hámarksgreiðslur hækka samsvarandi um 20%.

2) Foreldrum sem ekki stendur til boða dagvistarpláss eða leikskólapláss geta sótt um foreldragreiðslur samsvarandi niðurgreiðslunum

3) Dagforeldrum eru tryggðar niðurgreiðslur sem svarar þremur börnum 3 X 64.922 kr. á mánuði í 11 mánuði á ári

Aðrar breytingar lúta að málskotsrétti o.fl.

Reglurnar gildi frá 1. mars 2017

Félags- og tómstundanefnd samþykkir tillögurnar með áorðnum breytingum og vísar málinu til byggðarráðs.

Lögð fram drög að breyttum reglum um um niðurgreiðslu á daggæslu í heimahúsum og foreldragreiðslur sem samþykktar voru á 242. fundi félags- og tómstundanefndar þann 30. mars 2017 og vísað var til byggðarráðs.

Byggðarráð samþykkir framlögð drög að reglum um niðurgreiðslu á daggæslu í heimahúsum og foreldragreiðslur.

Vísað frá 780. fundi byggðarráðs frá 6. apríl 2017,með svohljóðandi bókun:



"Lögð fram drög að breyttum reglum um um niðurgreiðslu á daggæslu í heimahúsum og foreldragreiðslur sem samþykktar voru á 242. fundi félags- og tómstundanefndar þann 30. mars 2017 og vísað var til byggðarráðs. Byggðarráð samþykkir framlögð drög að reglum um niðurgreiðslu á daggæslu í heimahúsum og foreldragreiðslur."



Ofangreindar reglur bornar upp til afgreiðslu og samþykktar með níu atkvæðum.

Félags- og tómstundanefnd telur að túlka beri 11. grein reglna um niðurgreiðslu dagvistargjalda á einkaheimilum og foreldragreiðslur rúmt þannig að miðað sé við 9 mánaða aldur barns til að foreldragreiðslur, jafnvel þótt foreldrar hafi valið að fresta hluta foreldraorlofs og nýta það síðar til hagsbóta fyrir barnið. Þannig verður samræmi milli 10. greinar um niðurgreiðslu hjá dagforeldri og 11. greinar reglnanna sem kveður á um foreldragreiðslur. Þessa túlkun ber að nota við afgeiðslu fyrirliggjandi umsókna.

Jafnframt felur nefndin félagsmálastjóra að gera tillögu að breyttu orðalagi reglnanna til að taka af allan vafa um þetta atriði.

Félags og tómstundanefnd samþykkir tillögu félagsmálastjóra að breyttu orðalagi 1. mgr. 11. gr. reglnanna, sbr. bókun nefndarinnar 18. maí 2017. 1. málsgrein 11. greininar hljóðar þá: "Foreldrar geta sótt um foreldragreiðslur ef þeim stendur hvorki til boða pláss hjá dagforeldrum né í leikskóla. Foreldragreiðslur eru greiddar eftir á, frá fyrstu mánaðamótum eftir að barn nær 9 mánaða aldri."
Einnig er samþykkt að 2. gr. reglnanna verði breytt og ákvæði um ömmuleyfi og au-pair verði fjarlægt. 2. grein hljóðar þá svo: "Dagforeldri verður að hafa leyfi samkv. reglugerð nr. 907/2005."
Samþykkt og vísað til Byggðarráðs.

Félags og tómstundanefnd samþykkti tillögu félagsmálastjóra að breyttu orðalagi 1. mgr. 11. gr. reglna um niðurgreiðslu á daggæslu í heimahúsum og foreldragreiðslur, sbr. bókun nefndarinnar 18. maí 2017. 1. málsgrein 11. greininar hljóðar þá: "Foreldrar geta sótt um foreldragreiðslur ef þeim stendur hvorki til boða pláss hjá dagforeldrum né í leikskóla. Foreldragreiðslur eru greiddar eftir á, frá fyrstu mánaðamótum eftir að barn nær 9 mánaða aldri."
Einnig er samþykkt að 2. gr. reglnanna verði breytt og ákvæði um ömmuleyfi og au-pair verði fjarlægt. 2. grein hljóðar þá svo: "Dagforeldri verður að hafa leyfi samkv. reglugerð nr. 907/2005."
Byggðarráð samþykkir tillögurnar og vísar þeim til sveitarstjórnar til afgreiðslu.

Félags og tómstundanefnd samþykkti tillögu félagsmálastjóra að breyttu orðalagi 1. mgr. 11. gr. reglna um niðurgreiðslu á daggæslu í heimahúsum og foreldragreiðslur, sbr. bókun nefndarinnar 18. maí 2017. 1. málsgrein 11. greininar hljóðar þá: "Foreldrar geta sótt um foreldragreiðslur ef þeim stendur hvorki til boða pláss hjá dagforeldrum né í leikskóla. Foreldragreiðslur eru greiddar eftir á, frá fyrstu mánaðamótum eftir að barn nær 9 mánaða aldri."
Einnig er samþykkt að 2. gr. reglnanna verði breytt og ákvæði um ömmuleyfi og au-pair verði fjarlægt. 2. grein hljóðar þá svo: "Dagforeldri verður að hafa leyfi samkv. reglugerð nr. 907/2005."

Byggðarráð samþykki tillögurnar og vísaði þeim til agreiðslu sveitarstjórnar.

Ofangreindar tillögur bornar upp til afgreiðslu sveitarstjórnar og samþykktar með níu atkvæðum.