Atvinnu-, menningar- og kynningarnefnd - 42

Málsnúmer 1704003F

Sveitarstjórn Sveitarfélagins Skagafjarðar - 353. fundur - 12.04.2017

Fundargerð 42. fundar atvinnu-, menningar- og kynningarnefndar lögð fram til afgreiðslu á 353. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð, enginn kvaddi sér hljóðs.

.1 1704017 Starfsemi Minjahússins á Sauðárkróki

Atvinnu-, menningar- og kynningarnefnd - 42 Atvinnu-, menningar- og kynningarnefnd samþykkir að í ljósi fyrirhugaðra flutninga núverandi starfsemi í Minjahúsinu á Sauðárkróki, verði sýningum og upplýsingamiðstöð ferðamanna í húsinu lokað. Næstu mánuðir verði nýttir til pökkunar muna og flutninga starfseminnar í annað húsnæði. Bókun fundar Afgreiðsla 42. fundar atvinnu, menningar- og kynningarnefndar staðfest á 353. fundi sveitarstjórnar 12. apríl 2017 með níu atkvæðum.
.2 1701315 Hugmyndir um uppbyggingu á ferðaþjónustu í Skagafirði

Atvinnu-, menningar- og kynningarnefnd - 42 Erindi þessu var vísað til umfjöllunar atvinnu-, menningar- og kynningarnefndar frá byggðarráði, 2. mars 2017.
Lagt fram bréf frá Arctic Friends ehf. dagsett 22. febrúar 2017 þar sem félagið óskar eftir samstarfi við Sveitarfélagið Skagafjörð um að reka upplýsingamiðstöð ferðamanna á Sauðárkróki og lán á uppstoppuðum ísbirni til sýningarhalds.
Atvinnu-, menningar- og kynningarnefnd mælir með því að upplýsingamiðstöð ferðamanna á Sauðárkróki verði flutt tímabundið sumarið 2017 í Aðalgötu 24, enda verði í samningum kveðið á um sambærilegan eða rýmri opnunartíma upplýsingamiðstöðvar en verið hefur sem og að miðstöðinni verði búin viðunandi aðstaða. Nefndin setur sig ekki á móti því að uppstoppaðir birnir sem eru í vörslu Byggðasafns Skagfirðinga annars vegar og Varmahlíðarskóla hins vegar, verði tímabundið sumarið 2017 varðveittir í húsakynnum Arctic Friends ehf., að veittu samþykki eigenda og umsjónaraðila, og að því gefnu að aðbúnaður og umgjörð sem þeim eru búnir verði ekki lakari en hún er í dag. Bókun fundar Afgreiðsla 42. fundar atvinnu, menningar- og kynningarnefndar staðfest á 353. fundi sveitarstjórnar 12. apríl 2017 með níu atkvæðum.
.3 1703360 Minjar í Glaumbæjarlandi

Atvinnu-, menningar- og kynningarnefnd - 42 Tekin fyrir ályktun frá Minjaráði Norðurlands vestra um minjar í Glaumbæjartúni.
Atvinnu-, menningar- og kynningarnefnd tekur undir hvatningu Minjaráðs um nauðsyn þess að ná samkomulagi við landeigendur í Glaumbæ um nýtingu svæðisins í þágu varðveislu minja og aðgengis fyrir almenning. Nefndin hvetur hlutaðeigandi aðila til að hraða þeirri deiliskipulagsvinnu sem í gangi er og ljúka samkomulagi við landeigendur um nýtingu svæðisins. Bókun fundar Afgreiðsla 42. fundar atvinnu, menningar- og kynningarnefndar staðfest á 353. fundi sveitarstjórnar 12. apríl 2017 með níu atkvæðum.
.4 1603183 Stefnumótun í ferðaþjónustu í Skagafirði

Atvinnu-, menningar- og kynningarnefnd - 42 Lögð fram til kynningar drög að stefnumótun í ferðaþjónustu í Skagafirði. Bókun fundar Afgreiðsla 42. fundar atvinnu, menningar- og kynningarnefndar staðfest á 353. fundi sveitarstjórnar 12. apríl 2017 með níu atkvæðum.
.5 1704016 Trúnaðarmál

Atvinnu-, menningar- og kynningarnefnd - 42 Fært í trúnaðarbók. Bókun fundar Afgreiðsla 42. fundar atvinnu, menningar- og kynningarnefndar staðfest á 353. fundi sveitarstjórnar 12. apríl 2017 með níu atkvæðum.