Námsgögn fyrir grunnskólanemendur í Skagafirði

Byggðarráð Sveitarfélagsins Skagafjarðar samþykkir að veita öllum grunnskólabörnum sem lögheimili eiga í sveitarfélaginu ókeypis námsgögn á skólaárinu 2017/2018. Reiknað er með að kostnaður á nemanda verði allt að 6.000 kr. og heildarkostnaður nemi um 3,2 milljónum króna.
Byggðarráð samþykkir að vísa útfærslu verkefnisins til fræðslunefndar.

Nefndin fagnar ákvörðun byggðarráðs frá 24. ágúst 2017, um að veita grunnskólanemendum ókeypis námsgögn. Nefndinni þykir ljóst að þetta komi heimilum mjög vel.