Fræðslunefnd Svf. Skagafjarðar

Lagðar fram upplýsingar um stöðu dagvistarmála í Skagafirði. Nokkur biðlisti er á Sauðárkróki, foreldragreiðslur sem samþykktar voru í mars 2017, hafa mælst afar vel fyrir.

Grunnteikningar af nýbyggingu af leikskólanum Tröllaborg á Hofsósi lagðar fram til kynningar. Verið er að vinna kostnaðargreiningu og frekari hönnun. Ítrekað er að verkinu verði hraðað eins og kostur er.

Skólasamningur og eyðublað um myndbirtingar af börnum í leikskólum Skagafjarðar lagt fram til kynningar.

Tölur um nemendafjölda skólaárið 2017-2018 lagðar fram. Börn í leikskólum eru 236 og nemendur í grunnskólum eru 512.

Drög að markmiðum og viðmiðum vegna starfs frístundaheimila fyrir 6-9 ára börn, sem mennta- og menningarmálaráðuneytið vinnur að, lögð fram til kynningar.

Nefndin fagnar ákvörðun byggðarráðs frá 24. ágúst 2017, um að veita grunnskólanemendum ókeypis námsgögn. Nefndinni þykir ljóst að þetta komi heimilum mjög vel.

Sviðsstjóri fór yfir mál og verkefni sem eru á döfinni í skólum Skagafjarðar skólaárið 2017-2018.

Upplýst var að samningar um skólaakstur renna út 31. maí 2018. Málinu frestað.