Hitaveita - Hofsós að Neðri Ási og Ásgarði - verkframkvæmd

Föstudaginn 29. mars sl. voru opnuð tilboð í vinnuhluta verksins "Hofsós - Neðri Ás vinnuútboð 2019, hitaveita og strenglögn."
Tvö tilboð bárust í verkið;
Steypustöð Skagafjarðar ehf 145.073.840.-
Vinnuvélar Símonar ehf 117.462.900.-

Kostnaðaráætlun verksins, unnin af Verkfræðistofunni Stoð ehf. hljóðaði upp á 138.829.400.-.

Farið hefur verið yfir tilboðin og fundust engar villur í tilboðum verktaka.

Veitunefnd samþykkir að fela sviðstjóra að ganga frá samningi við lægstbjóðanda, Vinnuvélar Símonar, á grundvelli tilboðs hans.

Farið var yfir stöðu framkvæmda við lagningu hitaveitu og ljósleiðara frá Hofsósi að Neðra Ási og Ásgarði. Búið er að leggja stofnlögn hitaveitu og ljósleiðara að Marbæli.
Verktakakostnaður við verkið var komið í um 50% af tilboðsupphæð um mánaðarmót júlí / ágúst og telst verkið á áætlun.

Farið var yfir stöðu framkvæmda við lagningu hitaveitu og ljósleiðara frá Hofsósi að Neðra Ási og Ásgarði. Lagningu stofnlagna er lokið og er vinna við plægingu á heimtaugum hafin. Vinna við sökkla og steyptar plötur vegna dæluhúsa á Hofsósi og Sleitustöðum er einnig hafin. Dæluhúsin verða svo hífð á staðinn þegar frágangi á steyptri plötu er lokið.

Farið var yfir stöðu framkvæmda við lagningu hitaveitu frá Hofsósi að Neðra Ási og Ásgarði.
Lagningu stofnlagna er lokið og vinna við heimtaugar hafin. Lokið er við lagningu heimtauga að Neðra Ási, Ásgarðsbæjunum og að Smiðsgerði. ð

Lögð var fram til kynningar verkfundargerð 10. verkfundar vegna lagningar hitaveitu frá Hofsósi að Neðra Ási og Ásgarði.
Vinna við stofnlagnir er lokið og vinna við heimtaugar gengur vel. Vinnu við yfir 90% af lagningu hitaveitu er lokið og yfir 70% af ljósleiðaralögnum.

Farið var yfir stöðu framkvæmda við hitaveitu frá Hofsósi að Neðra Ási og Ásgarði.
Útboðshluta verksins telst nú lokið en unnið er að frágangi í dælustöðvum.
Stefnt er á að hleypa vatni á stofnlagnir í mars mánuði.

Farið var yfir stöðu framkvæmda við hitaveitu frá Hofsósi að Ásgarði og Neðra Ási.
Unnið er að frágangi á dælustöðvum og er stefnt á að vatni verði hleypt á stofnlögn í apríl mánuði.

Nefndin lýsir yfir ánægju sinni með framkvæmdina og þakkar öllum sem koma að verkinu fyrir vel unnin störf.