Umhverfis- og samgöngunefnd - 157
Málsnúmer 1906018F
Vakta málsnúmerSveitarstjórn Sveitarfélagins Skagafjarðar - 387. fundur - 21.08.2019
Fundargerð 157. fundar umhverfis- og samgöngunefndar frá 25. júní 2019, lögð fram til afgreiðslu á 387. fundi sveitarstjórnar eins og einstök erindi bera með sér. Ingibjörg Huld Þórðardóttir kynnti fundargerð. Álfhildur Leifsdóttir kvaddi sér hljóðs.
-
Umhverfis- og samgöngunefnd - 157 Lagt var fram til kynningar erindi frá Björgvin M. Guðmundssyni vegna gróðursetningar í landi Hofsóss norðan Hofsár. Í erindinu óskar Björgvin eftir því að fá að gróðursetja tré og annan gróður á landspildu í landi Hofsóss norðan Hofsár. Björgvin mun mæta á fund byggðarráðs og gera frekari grein fyrir erindinu.
Nefndin tekur jákvætt í erindið og mun fylgjast með framgangi málsins. Bókun fundar Afgreiðsla 157. fundar umhverfis- og samgöngunefndar frá 25. júní 2019 staðfest á 387. fundi sveitarstjórnar 21. ágúst 2019 með níu atkvæðum. -
Umhverfis- og samgöngunefnd - 157 Lagt var fyrir fundinn erindi frá Bylgju Finnsdóttur varðandi sorphirðumál í Hjaltadal. Í erdindinu er óskað eftir því að Sveitarfélagið komi tímabundið upp gámum fyrir timbur og járn í Hjaltadal.
Nefndin fagnar vitundarvakningu í umhverfismálum en getur ekki orðið við óskum um gáma í Hjaltadal að þessu sinni. Nefndin bendir á þær gámastöðvar sem til staðar eru, en flokkunargámar eru á fimm stöðum í Sveitarfélaginu. Við stærri framkvæmdir er bent á þjónustuaðila í sorphirðu í Sveitarfélaginu. Bókun fundar Álfhlildur Leifsdóttir tók til máls og lagði fram eftirfarandi bókun:
VG og óháð þykir miður að ekki sé komið á móts við þessar óskir íbúa, a.m.k. tímabundið, til að auðvelda þeim að að fegra umhverfi sitt. Við teljum að nefndin þurfi að endurskoða afstöðu sína til erindisins, enda mikilvægt að koma til móts við frumkvæði íbúa og ljóst að þörf er á að koma upp slíkri aðstöðu á þessu svæði, líkt og á fleiri stöðum sveitarfélagsins.
Álfhildur Leifsdóttir
Bjarni Jónsson
Afgreiðsla 157. fundar umhverfis- og samgöngunefndar frá 25. júní 2019 staðfest á 387. fundi sveitarstjórnar 21. ágúst 2019 með sjö atkvæðum. Álfhildur Leifsdóttir og Bjarni Jónsson óska bókað að þau sitji hjá við afgreiðslu málsins. -
Umhverfis- og samgöngunefnd - 157 Farið var yfir stöðu hönnunar á útivistarsvæði í Sauðárgili.
Kiwaniskklúbburinn Freyja hefur óskað eftir að fá að gefa leiktæki á svæðið.
Farið var yfir tillögur að leiktækjum í samráði við landslagsarkitekt af svæðinu.
Nefndin felur sviðsstjóra að velja leiktæki í samráði við Kiwanisklúbbinn Freyju og garðyrkjustjóra.
Bókun fundar Afgreiðsla 157. fundar umhverfis- og samgöngunefndar frá 25. júní 2019 staðfest á 387. fundi sveitarstjórnar 21. ágúst 2019 með níu atkvæðum. -
Umhverfis- og samgöngunefnd - 157 Lögð var fyrir fundinn bókun byggðarráðs vegna umhverfisstefnu Sveitarfélagsins Skagafjarðar 2020 til 2040. Í bókuninni var sveitarstjóra ásamt umhverfis- og samgöngunefnd falið að vinna umhverfisáætlun fyrir Sveitarfélagið Skagafjörð fyrir árin 2020 - 2040.
Nefndin hlakkar til vinnunar við áætlunina og mun óska eftir fundi með sveitarstjóra til að ræða tilhögun vinnunar sem framundan er. Bókun fundar Afgreiðsla 157. fundar umhverfis- og samgöngunefndar frá 25. júní 2019 staðfest á 387. fundi sveitarstjórnar 21. ágúst 2019 með níu atkvæðum. -
Umhverfis- og samgöngunefnd - 157 Lagður var fyrir tölvupóstur til Vegagerðarinnar vegna umferðaröryggis á Strandvegi á Sauðárkróki. Í tölvupóstinum er óskað eftir aðkomu Vegagerðarinnar vegna öryggis gangandi og hjólandi vegfarenda við Strandveginn á Sauðárkróki á svæðinu við smábátahöfn. Á hafnarsvæðinu er mikil starfsemi og því töluverð umferð gangandi og hjólandi vegfarenda yfir veginn. Með væntanlegum komum skemmtiferðaskipa er ljóst að þessi umferð mun aukast enn frekar á næstu árum.
Nefndin telur brýnt að gera úrbætur á umferðaröryggismálum á Strandvegi og óskar eftir umferðaröryggisúttekt og felur sviðsstjóra að afla frekari upplýsinga um úttektina. Bókun fundar Afgreiðsla 157. fundar umhverfis- og samgöngunefndar frá 25. júní 2019 staðfest á 387. fundi sveitarstjórnar 21. ágúst 2019 með níu atkvæðum. -
Umhverfis- og samgöngunefnd - 157 Umhverfis- og samgöngunefnd fagnar því að upp séu áform um söfnun fyrir ærslabelg á Sauðárkróki.
Nefndin er sammála um að staðsetja ærslabelginn sunnan sundlaugina á Sauðárkróki og felur sviðstjóra að vera í samskiptum við forsvarsaðila söfnunarinnar. Bókun fundar Afgreiðsla 157. fundar umhverfis- og samgöngunefndar frá 25. júní 2019 staðfest á 387. fundi sveitarstjórnar 21. ágúst 2019 með níu atkvæðum.