Tröllaborg Hofsós - leikskólalóð - hönnun - Verkís

Kynnt var hönnun leikskólalóðar við nýjan leikskóla á Hofsósi en hönnunin var unnin af verkfræðistofunni Verkís í nánu samráði við Sveitarfélagið Skagafjörð og skólastjórnendur grunn- og leikskóla á Hofsósi.
Byggingarnefnd samþykkir að leggja til við byggðarráð að ráðast í gerð verðfyrirspurnar vegna framkvæmdar leikskólalóðar við nýjan leikskóla á Hofsósi á grundvelli þeirrar hönnunar sem unnin hefur verið.

Undir þessum dagskrárlið sat Steinn Leó Sveinsson sviðsstjóri veitu- og framkvæmdasviðs.
Málinu vísað til byggðarráðs frá 2. fundi byggingarnefndar skóla- og íþróttamannvirkja á Hofsósi.
Byggðarráð samþykkir að fela sviðsstjóra veitu- og framkvæmdasviðs að ráðast í gerð verðfyrirspurnar vegna framkvæmdar leikskólalóðar við nýjan leikskóla á Hofsósi á grundvelli þeirrar hönnunar sem unnin hefur verið.

Undir þessum dagskrárlið sat Steinn Leó Sveinsson sviðsstjóri veitu- og framkvæmdasviðs. Málið áður á dagskrá 975. fundar byggðarráðs þann 29. júlí 2021. Þar var sviðsstjóra veitu- og framkvæmdasviðs falið að ráðast í gerð verðfyrirspurnar vegna framkvæmdar leikskólalóðar við nýjan leikskóla á Hofsósi á grundvelli þeirrar hönnunar sem unnin hefur verið. Því miður bárust engin tilboð í verkið en verið er að leita leiða til þess að leikskólinn geti hafið starfsemi síðar í haust.