Innleiðing laga um samþætta þjónustu í þágu farsældar barna

Lagt fram til kynningar bréf frá Sambandi íslenskra sveitarfélaga, dagsett 30. ágúst 2021, varðandi innleiðingu laga um samþætta þjónustu í þágu farsældar barna.

Lögð fram bókun stjórnar Sambands íslenskra sveitarfélaga þar sem sveitarfélög eru hvött til þess að hefja undirbúning innleiðingar laga um samþætta þjónustu í þágu farsældar barna.

Sviðsstjóri upplýsti að mikil áhersla væri lögð á farsæla innleiðingu laga um samþætta þjónustu í þágu farsældar barna og hefur félagsmálaráðuneytið yfirumsjón með henni. Fjölskyldusvið er þegar komið vel áleiðis með innleiðingu í gegnum samþættingu þeirra þriggja stoða sem mynda fjölskyldusvið, félagsþjónustu, frístundaþjónustu og fræðsluþjónustu. Ljóst er þó að talsverð vinna er framundan við að máta þjónustu fjölskyldusviðs inn í lögin og lagfæra það sem kann að standa eftir. Nefndin leggur áherslu á öflugt samráð og samstarf við Heilbrigðisstofnun Norðurlands og Fjölbrautaskóla Norðurlands vestra.