Staða fræðsluþjónustu

Á síðasta fundi nefndarinnar var farið yfir skipulag og starfsemi fjölskyldusviðs og fjallað um aðgengi að sérfræðiþjónustu. Almennt verður að teljast að vel gangi að bregðast við þörfum nemenda fyrir sérfræðiþjónustu. Nokkuð er þó misjafnt hve lengi nemendur þurfa að bíða eftir þjónustu en í flestum tilvikum er biðtími mjög stuttur. Þó sjást merki þess að þörfin hefur aukist fyrir þjónustu og er unnið að því að bregðast við því.