Félags- og tómstundanefnd - 301
Málsnúmer 2203035F
Vakta málsnúmerSveitarstjórn Sveitarfélagins Skagafjarðar - 423. fundur - 06.04.2022
Fundargerð 301. fundar félags- og tómstundanefndar frá 4. april 2022 lögð fram til afgreiðslu á 423. fundi sveitarstjórnar eins og einstök erindi bera með sér. Stefán Vagn Stefánsson forseti kynnti fundargerð. Enginn kvaddi sér hljóðs.
-
Félags- og tómstundanefnd - 301 Lagt fram verðmat á íbúð nr. 103 að Víðimýri 4, Sauðárkróki, F2132468.
Samkvæmt lögum nr. 97/1993, um Húsnæðisstofnun ríkisins, á Sveitarfélagið Skagafjörður forkaupsrétt á íbúðum í sveitarfélaginu sem féllu undir þau lög.
Í 88. grein laganna segir m.a. ,,Um greiðslu til seljanda fer með eftirfarandi hætti skv. umræddri lagagrein: Við kaup á íbúðinni skal seljandi fá endurgreitt það fjármagn sem hann lagði fram við kaup íbúðarinnar og þær afborganir sem hann hefur greitt af láni Byggingarsjóðs verkamanna frá því kaupsamningur var gerður.
Við greiðslur þessar bætast verðbætur samkvæmt vísitölu lánskjara frá greiðsludegi til söludags. Einnig skal seljandi íbúðarinnar fá endurgreiddar þær endurbætur sem hann hefur gert á fasteigninni að mati húsnæðisnefndar byggðu á reglum húsnæðismálastjórnar um mat á verðgildi endurbóta og viðhalds. Til frádráttar greiðslu til seljanda kemur fyrning, vanræksla á viðhaldi, lausaskuldir og ógreidd gjöld. Fyrning reiknast 1% af framreiknuðu verði íbúða fyrir hvert ár. Vanræksla á viðhaldi er metin af húsnæðisnefnd í samræmi við reglur húsnæðismálastjórnar um mat á verðgildi endurbóta og viðhalds.“
Verðmat endurbóta byggir á mati verkfræðistofunnar Stoðar sem framkvæmt var þann 11. febrúar 2022 að viðstöddum fulltrúum kaupanda og erfingja seljanda. Upphæð kaupverðs er byggð á 88. grein laga nr. 97/1933 og er að viðbættu mati á endurbótum, skv. ofangreindu 12.968.550 krónur. Greiðsla til seljanda er framangreint kaupverð að frádregnum áhvílandi lánum, fasteignagjöldum, húsgjöldum og sölukostnaði.
Félags- og tómstundanefnd samþykkir kaup eignarinnar í samræmi við ofangreint verðmat.
Bókun fundar Afgreiðsla 301. fundar félags- og tómstundanefndar staðfest á 423. fundi sveitarstjórnar 6. apríl 2022 með níu atkvæðum. -
Félags- og tómstundanefnd - 301 Eitt mál tekið fyrir og samþykkt. Bókun fundar Afgreiðsla 301. fundar félags- og tómstundanefndar staðfest á 423. fundi sveitarstjórnar 6. apríl 2022 með níu atkvæðum.
-
Félags- og tómstundanefnd - 301 Fulltrúar ungmennaráðs, Mikael Halldórsson, Íris Aradóttir og Óskar Stefánsson, komu á fund nefndarinnar. Fundarpunktar verða sendir til byggðarráðs til umfjöllunar. Nefndin þakkar mjög góðan fund og óskar ungmennaráði alls hins besta. Bókun fundar Afgreiðsla 301. fundar félags- og tómstundanefndar staðfest á 423. fundi sveitarstjórnar 6. apríl 2022 með níu atkvæðum.