Veitunefnd - 8
Málsnúmer 2305011F
Vakta málsnúmerSveitarstjórn Skagafjarðar - 15. fundur - 28.06.2023
Fundargerð 8. fundar veitunefndar frá 22. júní 2023 lögð fram til afgreiðslu á 15. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Guðlaugur Skúlason, Sveinn F Úlfarsson og Guðlaugur Skúlason kvöddu sér hljóðs.
-
Veitunefnd - 8 Á fundi Byggðaráðs 5.4.2023 og Sveitarstjórnar 19.4.2023. var lagður fram til kynningar tölvupóstur frá Sambandi íslenskra sveitarfélaga, dags. 29.3. 2023, þar sem upplýst er um möguleika á að ríkið taki þátt í stofnkostnaði við umhverfisvæna orkuöflun sem dregur úr rafhitun eða olíukyndingu, t.d. með varmadælum, viðarkyndingu o.s.frv. Íbúðareigendur sem njóta niðurgreiddrar rafhitunar og vilja taka upp umhverfisvæna orkuöflun hafa því möguleika á að sækja um styrk í því skyni í gegnum þjónustugátt á vef Orkustofnunar. Kynntar voru leiðir til að styðja enn frekar við þessa þróun og dæmi um útfærslur sem notaðar eru á öðrum landsvæðum.
Veitunefnd fagnar því að ríkið komi að styrkveitingu vegna breytinga á húshitunaraðferðum. Skilgreina þarf köld svæði í Skagafirði og leggur Veitunefnd til að sú vinna verði hafin. Sviðstjóra Veitu- og framkvæmdasviðs er falið að vinna málið áfram. Bókun fundar Afgreiðsla 8. fundar veitunefndar staðfest á 15. fundi sveitarstjórnar 28. júní 2023 níu atkvæðum. -
Veitunefnd - 8 Sviðsstjóri Veitu- og framkvæmdasviðs fór yfir stöðu mála varðandi virkjun holu VH-03 í Varmahlíð. Ákveðið er að undirbúa holuna fyrir niðursetningu á djúpdælu með svipuðum hætti og gert var fyrir ári síðan í Hrolleifsdal en sú aðgerð lofar góðu. Gert er ráð fyrir að ný dæla verði keypt og sett niður vorið 2024. Þangað til verður haldið áfram að dæla samhliða úr holu VH-12 og VH-03 eins og gert hefur verið frá því í janúar á þessu ári. Með þessum móti á afhendingaröryggi á heitu vatni í Varmahlíð að vera tryggt. Bókun fundar Afgreiðsla 8. fundar veitunefndar staðfest á 15. fundi sveitarstjórnar 28. júní 2023 níu atkvæðum.
-
Veitunefnd - 8 Gerður hefur verið samningur við Ísor um að gera úttekt á jarðhitakerfinu í Borgarmýrum með tilliti til aukinnar þarfar fyrir orku á svæðinu. Niðurstöður skulu liggja fyrir í septemberlok 2023. Sviðssstjóri Veitu- og framkvæmdasviðs fer yfir stöðu verkefnisins.
Bókun fundar Afgreiðsla 8. fundar veitunefndar staðfest á 15. fundi sveitarstjórnar 28. júní 2023 níu atkvæðum. -
Veitunefnd - 8 Gerður var samningur við Ísor um að meta áhrif djúpdælingar á afköst vinnslusvæðisins í Hrolleifsdal. Niðurstaða á að liggja fyrir í júlílok. Sviðsstjóri Veitu- og framkvæmdasviðs fer yfir stöðu verkefnisins.
Bókun fundar Afgreiðsla 8. fundar veitunefndar staðfest á 15. fundi sveitarstjórnar 28. júní 2023 níu atkvæðum.