Menningar-, íþrótta- og æskulýðsnefnd
72. fundur, haldinn á skrifstofu sveitarfélagsins fimmtudaginn 8. mars kl. 17,00.
Mætt: Ásdís Guðmundsdóttir, Jón Garðarsson, Erna Rós Hafsteinsdóttir, Sigurbjörg Guðjónsdóttir, Ómar Bragi Stefánsson.
Dagskrá:
- Bréf vegna Sydney 2000 verkefnisins.
- Bókasöfn í Skagafirði.
- Sæluvika Skagfirðinga 2001.
- Veitingasala í Áshúsi.
- Önnur mál.
AFGREIÐSLUR:
- Tekið fyrir bréf frá Sydney 2000. Samþ. samhljóða.
- Teknar fyrir tillögur varðandi bókasöfn í Skagafirði:
- Bókakostur bókasafnanna í Hólahreppi, Staðarhreppi og Rípurhreppi verði sameinaður bókakosti Héraðsbókasafns Skagfirðinga.
- Á árinu verður lengdur opnunartími Héraðsbókasafns Skagfirðinga, fyrst og fremst til að koma til móts við þarfir íbúa í dreifbýli og veita aukna þjónustu. Þannig verði safnið opið mánudaga - miðvikudaga frá kl. 13:00 - 19:00, fimmtudaga frá kl. 13:00 - 21:00 og föstudaga frá kl. 13:00 - 18:00.
- Unnið verði áfram að skipulagningu bókasafna í Skagafirði með það að leiðarljósi að veita íbúum héraðsins góða þjónustu og aðgang að þeim ritum og upplýsingum, sem bókasöfnin varðveita.
Samþykkt samhljóða. - Undirbúningur Sæluviku ræddur.
- Veitingasala í Áshúsi.
Tvær umsóknir hafa borist og er starfsmanni falið að ganga frá ráðningu. - Önnur mál.
a) Rætt um ábyrgðarskiptingu verkefna og gjaldaliða.
b) Á fundinn komu fulltrúar eignaraðila Bifrastar til að ræða málefni Bifrastar og skýrslu Atvinnuþróunarfélagsins Hrings um félagsheimilin í Skagafirði.
Fleira ekki gert og fundi slitið kl. 19,00