Menningar- og kynningarnefnd

Til fundarins komu fulltrúar Akrahrepps, Kvenfélags Seyluhrepps og Karlakórsins Heimis, sem eiga Miðgarð ásamt Sveitarfélaginu Skagafirði. Einnig komu til fundarins nýir rekstraraðilar hússins, þau Unnur Gottsveinsdóttir og Stefán Haraldsson. Þá komu til fundarins fulltrúar Rökkurkórsins og Kvennakórsins Sóldísar sem leigja aðstöðu í húsinu. Undirritaðir voru samningar við nýja rekstraraðila um rekstur Miðgarðs og viðaukar við hann, utan samnings Karlakórsins Heimis um nýtingu þeirra á húsinu sem var frestað.

Nefndin óskar nýjum rekstraraðilum velfarnaðar í starfi og það er von nefndarinnar að menningarstarf í húsinu verði líflegt og fjölbreytilegt á komandi misserum.

Lagt fram erindi frá Þresti Jónssyni og Kolbrúnu Jónsdóttur þar sem þau óska eftir rökstuddri skýringu á ákvörðun nefndarinnar um val á rekstraraðila fyrir félagsheimilið Ljósheima.

Formanni falið að svara erindinu.

Lögð fram drög að samningi við Sigrúnu Aadnegard um rekstur félagsheimilisins Ljósheima. Nefndin samþykkir fyrirliggjandi drög og felur sviðsstjóra að ganga frá samningi þegar eignasjóður hefur lokið úttekt á húsinu.

Rætt um næstu skref varðandi uppfærslu á heimasíðu sveitarfélagsins.