Menningar- og kynningarnefnd

Lagt fram til kynningar erindi frá Safnaráði um skipulag safna.

Lögð fram tillaga til lækkunar útgjalda undir lið 05 - menningarmál. Lagt er til að útgjöld til menningarmála lækki um kr. 5.500.000 eða um 5% frá fyrri umræðu. Nefndin samþykkir tillöguna samhljóða og vísar henni til Byggðarráðs.

Lagt fram erindi frá hóp sem vinnur að uppbyggingu miðstöðvar um Sturlungaslóð í Skagafirði. Með bréfinu fer hópurinn þess á leit við nefndina að sveitarfélagið láni/leigi hópnum Félagsheimilið Melsgil fyrir miðstöð um Sturlungaslóð og sýningu um viðburði og sögusvið Sturlungaaldar.
Nefndin tekur vel í erindið og felur sviðsstjóra að ræða við hússtjórn Melsgils um málið.

Rætt um möguleika á því að gefa út kynningarblað á landsvísu um Skagafjörð, líkt og gert var á síðasta ári.
Sviðsstjóra falið að leita tilboða og gera tillögu til nefndarinnar.