Skipulags- og byggingarnefnd

Indriði Einarsson sviðsstjóri veitu- og framkvæmdasviðs óskar eftir umsögn Skipulags- og byggingarnnefndar vegna fyrirhugaðrar gerðar skjólgarðs við smábátahöfnina á Sauðárkróki.
Meðfylgjandi uppdráttur er unnin á hafnardeild Vegagerðarinnar ? móttekinn af skipulags- og byggingarfulltrúa 6. janúar 2016. Um framkvæmdaleyfisskylda framkvæmd er að ræða og leggur skipulags- og byggingarnefnd til við sveitarstjórn að veita framkvæmdaleyfi.

Lagt fram bréf frá Sambandi íslenskra sveitarfélaga, dagsett 8. janúar 2016 varðandi vinnu við að samræma reglur, verklag og ferla um afmörkun lóða innan sveitarfélaganna þar sem væru að finna mannvirki á vegum orkufyrirtækja. Óskað er eftir ábendingum og athugasemdum við eftirfarandi nálgun:
"Að mati Sambands íslenskra sveitarfélaga, forsætisráðuneytis og Þjóðskrár skal við það miða að allar þær framkvæmdir sem eru framkvæmdaleyfisskyldar séu skilgreindar innan lóða og að allt það landssvæði sem raskast vegna framkvæmda orkufyrirtækjanna innan viðkomandi sveitarfélags, verði skilgreint innan lóðar. Af þeim mannvirkjum innan lóðar verði greidd fasteignagjöld." Óskað er að sambandinu berist svör fyrir 1. mars n.k.
Á fundi Byggðarráðs 14. janúar sl. var samþykkt að vísa ofangreindu erindi til umsagnar skipulags- og bygginganefndar. Skipulags- og byggingarfulltrúa falið að undirbúa svar.

Eiríkur Þór Magnússon kt. 080670-5329 eigandi jarðarinnar Syðri- Breið, (landnúmer 178676 ) sækir um leyfi Skipulags- og byggingarnefndar fyrir byggingarreit fyrir geymsluhúsnæði á jörðinni. Framlagður yfirlits- og afstöðuuppdráttur gerður á Stoð ehf. verkfræðistofu af Þórði Karli Gunnarssyni. Uppdrátturinn er nr S 01, dagsettur 5. janúar 2016 . Erindið samþykkt.

Hafsteinn Guðmundsson deildarstjóri framkvæmdadeildar N1 hf sækir, fh. N1, um
um heimild til að afleggja neðanjarðarbirgðageyma N1 í Varmahlíð og setja 2 ofanjarðargeyma í staðinn, 20 þúsund lítra hvorn. Sótt er um leyfið tímabundið. Fyrir liggja umsagnir heilbrigðisfulltrúa og slökkviliðsstjóra. Fallist er á að veita leyfi fyrir ofangreindri framkvæmd gegn því að athugasemdir og ábendingar slökkviliðsstjóra og heilbrigðisfulltrúa verið virtar. Skipulags og byggingarnefnd veitir leyfi tímabundið til 31.janúar 2017.

Afgreiðslufundur byggingarfulltrúa, 19. fundur, haldinn 19. janúar 2016 lagður fram til kynningar.