Umhverfis- og samgöngunefnd Svf Skagafjarðar

Sigurður Áss Grétarsson fór yfir framkvæmdir við höfnina á undanförnum árum, niðurstöður líkantilrauna og sandset út frá sandfangara. Að svo komnu máli telur Siglingastofnun ekki ráðlegt að lengja sandfangarann meira en nú er áformað, talið er að hann geti hugsanlega aukið setmyndun í hafnarmynninu og í innsiglingunni. Fylgst verður með sandseti við sandfangarann og í höfninni með árlegum dýptarmælingum.

Kristján Helgason fór yfir greinargerð með grunnmynd að nýrri smábátahöfn. Áætlað er að í fyrsta verkáfanga sumarið 2012 verði boðin út dýpkun og landmótun ásamt landstöplum, upptökubraut og lýsingu við bryggjur. Flotbryggjur verða boðnar út í sér áfanga.