Umhverfis- og samgöngunefnd Svf Skagafjarðar

Gunnar Steingrímsson, yfirhafnavörður, fór yfir drög að fjárhagsáætlun Hafnarsjóðs Skagafjarðarhafna fyrir árið 2015.
Nefndin samþykkir fjárhagsáætlun og vísar til byggðarráðs.

Tekið var fyrir erindi frá Hafnasambandi Íslands um kosningu á nýju merki sambandsins.
Nefndin kýs tillögu 1.

Tekið var fyrir uppkast að samningi vegna notkunar á upplýsingum úr landstöðvum sjálfvirks auðkennikerfis skipa (AIS landstöðvum) sem Neyðarlínan rekur.
Nefndin leggur til að gengið verði frá samningi við Neyðarlínuna ohf.

Lagt var fram til kynningar erindi frá Hafnasambandi Íslands vegna umhverfisstefnu hafna.
Stjórn Hafnasambandsins hefur skipað nefnd sem mun útbúa ramma eða "módel" að umhverfisstefnu fyrir hafnirnar og auðvelda þannig höfnunum að gera hver sína umhverfisstefnu.

Helga Gunnlaugsdóttir, garðyrkjustjóri, fór yfir drög að fjárhagsáætlun garðyrkjudeildar fyrir árið 2015.
Áætlunin gerir ráð fyrir að bæta við sumarstarfsmönnum frá því sem verið hefur til að sinna almennu viðhaldi á grænum svæðum.
Nefndin samþykkir fjárhagsáætlun og vísar til byggðarráðs.

Nefndin vísar til fyrri umsagnar um málið þegar það var flutt á 140. löggjafarþingi, sbr erindi nr. Þ 143/876.
http://www.althingi.is/pdf/erindi/?lthing=143&dbnr=876