Umhverfis- og samgöngunefnd Svf Skagafjarðar

Erindi frá Drangey, Smábátafélagi Skagafjarðar, vegna Hofsóshafnar tekið fyrir á fundinum. Í erindinu lýsir smábátafélagið tillögum um endurbætur á grjótvörn til að skapa betri kyrrð og aukið legurými innan hafnarinnar. Formanni og sviðstjóra falið að kynna málið fyrir Siglingasviði Vegagerðarinnar og vinna að frekari útfærslu.

Lögð var fram til samþykktar drög að fjárhagsáætlun málaflokks 08 - Hreinlætismál. Nefndin samþykkir áætlunina með fyrirvara um gjaldskrárhækkanir og vísar til Byggðarráðs.

Lögð var fram til samþykktar drög að fjárhagsáætlun málaflokks 10 - Umferðar- og samgöngumál.Nefndin samþykkir áætlunina og vísar til Byggðarráðs.

Lögð var fram til samþykktar drög að fjárhagsáætlun málaflokks 11 - Umhverfismál.Nefndin samþykkir áætlunina og vísar til Byggðarráðs.

Lögð var fram til samþykktar drög að fjárhagsáætlun málaflokks 53 - Fráveita. Nefndin samþykkir áætlunina með fyrirvara um gjaldskrárhækkanir og vísar til Byggðarráðs.

Tekin var fyrir gjaldskrá vegna hunda- og kattahalds fyrir árið 2017. Nefndin samþykkir 5,5% hækkun á gjaldskrá og vísar til Byggðarráðs.

Tekin var fyrir gjaldskrá fyrir fráveitugjald og tæmingu rotþróa fyrir árið 2017.Nefndin samþykkir 5,5% gjaldskrárhækkun að undanskildu fráveitugjaldi og vísar til Byggðarráðs.

Tekin var fyrir gjaldskrá fyrir sorpurðun og sorphirðu fyrir árið 2017.Nefndin samþykkir 5,5% gjaldskrárhækkun og vísar gjaldskránni til Byggðarráðs.