Umhverfis- og samgöngunefnd Svf Skagafjarðar

Rætt almennt um umhverfismál í sveitarfélaginu. Ákvörðun tekin um að fela garðyrkjustjóra og sviðstjóra að bjóða út hluta af þeim slætti sem garðyrkjudeildin hefur séð um. Garðyrkjustjóra falið að gera verkefnalista til að forgangsraða verkefnum í komandi vinnu við fjárhagsáætlun. Gera einnig mannafla- og tækjaáætlun. Helga Gunnlaugsdóttir sat fund nefndarinnar undir þessum lið.

Rætt um sorphirðu, tíma- og losunaráætlanir á heimilissorpi og losun á baggaplasti. Samþykkt að gera losunardagatal og auglýsa losunartíma og leiðbeinandi upplýsingar um flokkun.

Rætt um lífrænan úrgang og lausnir í þeim málum. Formanni og sviðsstóra falið að ræða við hagsmunaaðila um lausnir. Ómar Kjartansson sat fund nefndarinnar undir þessum lið.

Rætt um smábátahöfnina á Sauðárkróki. Sviðsstjóra og Gunnari Steingrímssyni hafnarverði falið að skoða kostnað við flotbryggjur.