Veitunefnd Svf Skagafjarðar

Bragi Þór Haraldsson frá Verkfræðistofunni Stoð ehf. mætti á fund nefndarinnar og kynnti kostnaðarútreikninga við hitaveituvæðingu svæða sem liggja utan 5 ára framkvæmdaáætlunnar Skagafjarðarveitna sem nær fram til ársins 2019.

Sviðstjóra er falið að vinna að frekari greiningu á svæðunum.

Lögð var fram til kynningar niðurstaða styrkveitinga í verkefninu Ísland ljóstengt fyrir árið 2017. Sveitarfélagið Skagafjörður fékk úthlutað alls 53.510.980.- fyrir 151 tengingu eða 354.377.- pr. tengingu. Að auki hefur Sveitarfélaginu Skagafirði verið úthlutað 9,8 milljónum úr byggðasjóði til uppbyggingar ljósleiðara í dreifbýli.

Veitunefnd fagnar þessum framlögum ríkisins til uppbyggingar ljósleiðara í dreifbýli og felur sviðstjóra að vinna að gerð útboðsgagna.

Tilboð í efnishluta hitaveitu í Lýtingsstaðahreppi voru opnuð þriðjudaginn 7. febrúar sl. Útboðinu var skipt í tvo hluta í foreinangruð stálrör og foreinangruð plaströr.

Tvö tilboð bárust í verkið; frá Ísrör ehf. upp á 413.719 evrur og frá Set ehf. upp á 384.874 evrur. Set ehf. átti lægsta tilboð í bæði stál- og plaströr.

Veitunefnd samþykkir tilboð lægstbjóðenda og felur sviðstjóra að ganga til samninga við Set ehf. vegna verksins.

Lögð var fram til kynningar tilkynning frá Samorku um Samorkuþing sem hladið verður á Akureyri dagana 4. til 5. maí nk.