Hitaveita - nýframkvæmd í Lýtingsstaðahreppi 2016 og 2017.

Lögð voru fyrir fundinn skýrslur frá Jarðfræðiþjónustu Hauks Jóhannessonar frá 2011 og 2012 vegna borana á jarðhitaholu við Hverhóla. Samkvæmt jarðfræðingi er lagt til að holan verði dýpkuð frá því sem nú er niður á um 200m dýpi.
Á fjárhagsáætlun 2016 eru 10 milljónir ætlaðar til dýpkunar og könnunar á holunni.
Sviðsstjóra falið að afla tilboða í borun holunnar.

Afgreiðsla 23. fundar veitunefndar staðfest á 338. fundi sveitarstjórnar 16. mars 2016 með níu atkvæðum.

Lagt var fyrir fundinn minnisblað frá Þórólfi Hafstað, sérfræðingi hjá ÍSOR, vegna heitavatnsholu á Hverhólum.
Í minnisblaðinu er lagt til að holan verði prufudæld með djúpdælu áður en hún verður endanlega virkjuð.
Gert er ráð fyrir því að prufudæling geti varað í að minnsta tvær vikur eða þar til jafnvægi næst á milli rennslis og niðurdráttar í holu.
Leitað hefur verið tilboða í djúpdælu og er kostnaður við kaup á dælu um 1 milljón án vsk.
Samþykkt að fara í prufudælingu í vor.

Afgreiðsla 24. fundar veitunefndar staðfest á 339. fundi sveitarstjórnar 13. Apríl 2016 með níu atkvæðum.

Búið er að ganga frá pöntun á dælu til prufudælingar á Hverhólum.
Stefnt er á prufudælingu á holunni í sumar.

Afgreiðsla 25. fundar veitunefndar staðfest á 342. fundi sveitarstjórnar 25. maí 2016 með níu atkvæðum.

Prufudæling úr holu við Hverhóla verður framkvæmd á næstu vikum.

Afgreiðsla 26. fundar veitunefndar staðfest á 344. fundi sveitarstjórnar 29. júní 2016 með níu atkvæðum.

Prufudæling á holu HH-01 við Hverhóla hófst í síðustu viku og gengur vel. Dælu var komið fyrir á tæplega 50m dýpi og dælir hún nú að jafnaði um 8 l/s af 66°C heitu vatni. Prufudælingin mun vara í það minnsta 2 vikur og verður fylgst með niðurdrætti í holunni sem gefur til kynna hver afköst holunnar eru til langs tíma litið.
Haldin verður kynningarfundur fyrir íbúa þegar niðurstöður prufudælingar liggja fyrir.

Formanni og sviðstjóra falið að ganga frá samningum vegna borholu og við landeiganda Hverhóla um leigu á landi. Í framhaldi verður boðað til íbúafundar um hitaveituvæðingu.

Bragi Þór Haraldsson frá Verkfræðistofunni Stoð fór yfir frumhönnun á hitaveitu um Lýtingsstaðahrepp.

Gert er ráð fyrir að lokahönnun liggi fyrir í lok árs og að haldinn verði kynningarfundur í janúar.

Kynnt voru nýjustu hönnunardrög að hitaveitu í Lýtingsstaðahreppi frá Verkfræðistofunni Stoð ehf.

Veitunefnd samþykkir að vinna að útboðsgögnum fyrir efnis- og vinnuútboð samkvæmt fyrirliggjandi hönnun.

Efnt verður til kynningafundar með íbúum svæðisins mánudaginn 23. janúar nk. og er sviðstjóra falið að senda boðsbréf á íbúa.

Farið var yfir stöðu fyrirhugaðra hitaveituframkvæmda í Lýtingsstaðahreppi árið 2017.

Boðað hefur verið til kynningarfundar með íbúum mánudaginn 23.janúar nk. kl 14 í félagsheimilinu Árgarði.

Útboð á lagnaefni vegna verksins hefur verið auglýst og verða tilboð opnuð þriðjudaginn 7. febrúar nk.

Tilboð í efnishluta hitaveitu í Lýtingsstaðahreppi voru opnuð þriðjudaginn 7. febrúar sl. Útboðinu var skipt í tvo hluta í foreinangruð stálrör og foreinangruð plaströr.

Tvö tilboð bárust í verkið; frá Ísrör ehf. upp á 413.719 evrur og frá Set ehf. upp á 384.874 evrur. Set ehf. átti lægsta tilboð í bæði stál- og plaströr.

Veitunefnd samþykkir tilboð lægstbjóðenda og felur sviðstjóra að ganga til samninga við Set ehf. vegna verksins.

Útboðsgögn vegna vinnuhluta hitaveituframkvæmda í Lýtingsstaðahreppi voru kynnt. Lagning ljósleiðara er innifalinn í vinnuútboði.

Fimmtudaginn 30. mars sl. voru opnuð tilboð í verkið "Lýtingsstaðahreppur vinnuútboð 2017 - hitaveita og strenglögn" á skrifstofu Skagafjarðarveitna að Borgarteigi 15 á Sauðárkróki.



Eftirfarandi tilboð bárust í verkið;

Steypustöð Skagafjarðar ehf. 174.443.600

Vinnuvélar Símonar ehf. 146.501.900

Víðimelsbræður ehf. 175.884.650

Kostnaðaráætlun Verkfræðistofunnar Stoð 155.218.000



Veitunefnd felur sviðstjóra að ganga til samninga við lægstbjóðanda, Vinnuvélar Símonar ehf.

Fyrsti verkfundur vegna hitaveitu og strenglagnar í Lýtingsstaðahreppi er á morgun. Verktakar munu hefja framkvæmdir á næstu dögum.

Farið var yfir stöðu hitaveituframkvæmda í Lýtingsstaðahreppi.
Framkvæmdir hófust 22. maí sl. og er búið að leggju um 5,5km af stállögnum.
Verktaki við verkið er Vinnuvélar Símonar ehf.

Farið var yfir stöðu hitaveituframkvæmda í Lýtingsstaðahreppi.
Lokið er við að leggja hitaveitulögn yfir Vestari Jökulsá á milli Goðdala og Bjarnastaðahlíðar og er þá lagningu allra hitaveitulagna lokið.
Unnið er að tengingu á dælum og stýringum í dælustöð og er gert ráð fyrir að byrjað verði að dæla inn á stofnlögn á næstu dögum.