Veitunefnd Svf Skagafjarðar

Lagt var fyrir erindi frá Maríu Eymundsdóttur og Pálma Jónssyni varðandi ljósleiðaravæðingu í dreifbýli í Sveitarfélaginu Skagafirði.
Sviðstjóra falið að svara erindinu.

Lögð voru fyrir drög að útboðslýsingu og tilboðsskrá vegna lagningu ljósleiðara í Efri-Byggð og á Reykjaströnd.
Sviðstjóra falið að bjóða út verkið á grundvelli fyrirliggjandi útboðsgagna.

Farið var yfir stöðu hitaveituframkvæmda í Lýtingsstaðahreppi.
Lokið er við að leggja hitaveitulögn yfir Vestari Jökulsá á milli Goðdala og Bjarnastaðahlíðar og er þá lagningu allra hitaveitulagna lokið.
Unnið er að tengingu á dælum og stýringum í dælustöð og er gert ráð fyrir að byrjað verði að dæla inn á stofnlögn á næstu dögum.

Lagðar voru fyrir frumniðurstöður efnagreiningar á vatnssýni úr borholu á Reykjarhól á Bökkum.
Efnagreiningin er unnin af ÍSOR.
Nánar verður gerð grein fyrir niðurstöðum efnagreininga þegar þeim er lokið.

Lögð var fyrir áætlun um vinnslueftirlit fyrir Skagafjarðarveitur árið 2018 frá ÍSOR.
Veitunefnd samþykkir að framkvæma vinnslueftirlit samkvæmt áætluninni.