Veitunefnd Svf Skagafjarðar

Framkvæmdir við stofnlögn frá Hofsós að Neðra Ási hófust um seinni hluta maí mánaðar.
Búið er að leggja út 1.800m af stofnlögn og lokið við að sjóða saman um 1.500m.
Afgreiðsla á stállögnum hefur tafist og valdið truflunum á framgang verksins.

Lagður var fyrir fundinn tölvupóstur frá Felix Jósafatssyni vegna möguleika á tengingu íbúðarhúss í Húsey við vatnsveitu Skagafjarðarveitna.
Nefndin felur sviðstjóra að skoða lagningu heimtaugar að Húsey samhliða endurnýjun á stofnlögnum.

Lagt var fyrir fundinn bréf frá FISK Seafood vegna samnings á milli Hólalax og Skagafjarðarveitna um kaup á heitu vatni.
Nefndin samþykkir að samningur vegna kaupa bleikjueldisstöðvar á Hólum á heitu vatni verði tekinn til endurskoðunar þar sem tekið verður mið af núgildandi gjaldskrá Skagafjarðarveitna.

Farið var yfir stöðu mála vegna neysluvatns á Sauðárkróki.
Á síðustu dögum hefur tvívegis komið til þess að matvælafyrirtæki á Sauðárkróki hafa verið beðin um að stytta vinnsludaga vegna skorts á vatni.

Lagt var fyrir fundinn erindi frá Friðrik Andra Atlasyni vegna heimæðar að fyrirhuguðu íbúðarhúsi í Fagraholt.
Nefndin felur sviðstjóra að skoða málið og leggja fram að nýju fyrir næsta fund.