Veitustjórn

 

            Fimmtudag 4. jan. árið 2001 kom veitustjórn saman kl. 16.30. á skrifstofu sveitarfélagsins.

            Mættir voru veitustjórnarmennirnir:  Árni Egilsson, Einar Gíslason, Sigrún Alda Sighvats, Ingvar Guðnason og Ingimar Ingimarsson, ásamt veitustjórunum Sigurði Ágústssyni og Páli Pálssyni.

 

DAGSKRÁ:

1. Vatnsskattur 2001.
2. Fjárhagsáætlun Rafveitu, fyrri umræða.
3. Fjárhagsáætlun Hitaveitu, fyrri umræða.
4. Fjárhagsáætlun Vatnsveitu, fyrri umræða.
5. Útboð á efni v/hitaveitu Langholti.
6. Breytingar á gjaldskrá Rafveitu.
7. Bréf frá Vatnsveitufélagi Varmahlíðar.
8. Önnur mál.

 

Formaður setti fundinn og bauð fundarmenn  velkomna.

 

AFGREIÐSLUR:

1. Veitustjórn samþykkir að vatnsskattur verði 0,17 % af fasteignamats-gjaldsstofni, lágmarksgjald verði kr.20.- pr.rúmmetra og hámarksgjald kr.24.- pr.rúmmetra.

2. Rafveitustjóri lagði fram fjárhagsáætlun fyrir Rafveitu Sauðárkróks fyrir árið 2001. Gjaldaliður er 140.370.000.- og tekjuliður 141.600.000.- Handbært fé frá rekstri er 11.300.000.- og fjárfestingar í varanlegum rekstrarfjármunum 14.530.000.- Veitustjórn samþykkir að vísa áætluninni til byggðarráðs og fyrri umræðu í sveitarstjórn.

3. Veitustjóri lagði fram fjárhagsáætlun fyrir Hitaveitu Skagafjarðar fyrir árið 2001.   Gjaldaliðir eru 63.382.000.-  og tekjuliðir 80.500.000.- Handbært fé frá rekstri er 29.418.000.- og fjárfestingar í varanlegum rekstrarfjármunum 36.760.000.-  Veitustjórn samþykkir að vísa áætluninni til byggðarráðs og fyrri umræðu í sveitarstjórn.

 

4. Veitustjóri lagði fram fjárhagsáætlun fyrir Vatnsveitu Skagafjarðar fyrir árið 2001. Gjaldaliðir eru 25.885.000.- og tekjuliðir 29.500.000.- Handbært fé frá rekstri er 8.265.000 og fjárfestingar í varanlegum rekstrarfjármunum 12.565.000.- Veitustjórn samþykkir að vísa áætluninni til byggðarráðs og fyrri umræðu í sveitarstjórn.

5. Veitustjóri gerði grein fyrir efnisútboði til stofnlagnar  frá Grófargili að Marbæli. Tilboð bárust frá 4 aðilum, verið er að fara yfir tilboðin.

 

6. Veitustjórn samþykkir að breyta gjaldskrárlið C-2 (stórvélataxti) hjá rafveitu á þann hátt að í staðinn fyrir að reikna með einum árs-toppi verði afltoppur hvers mánaðar látinn gilda. Til þess að gjaldtaka verði óbreytt er nauðsynlegt að hækka afl- og orkugjald um 7,3%.

 

7. Borist hefur bréf dags. 3. jan.2001 frá Vatnsveitufélagi Varmahlíðar með ósk um viðræður varðandi yfirtöku Vatnsveitu Skagafjarðar á vatnsveitunni í Varmahlíð. Veitustjórn felur form. og varaform. veitustjórnar og veitustjóra að koma á fundi milli  þessara aðila.

 

8. Önnur mál:

a) Rafveitustjóri lagði fram gögn um tölvufyrirtækið Net-orku, sem er í eigu orkufyrirtækjanna í landinu og ætlað er að geyma og miðla orkuupplýsingum til viðskiptavina orkufyrirtækjanna. Í bréfi dags. 24.11.2000 er farið fram á þátttöku Rafveitu Sauðárkróks í fyrirtækinu. Veitustjórn felur rafveitustjóra að fylgjast með framgangi málsins með það í huga að rafveitan verði þátttakandi í fyrirtækinu ef það telst hagkvæmt.

b) Rafveitustjóri gerði grein fyrir ferð sinni á orkuráðstefnu í Kaupmannahöfn 27.-29. nóv. sl. þar sem fjallað var um markaðs­væðingu raforkufyrirtækjanna á Norðurlöndum.       

 

Fleira ekki gert, fundargerð upplesin og samþykkt og fundi slitið kl. 18.30

                                                                                  

                        Árni Egilsson                          Sigurður Ágústsson, ritari.

                        Sigrún Alda Sighvats

                        Ingvar Guðnason

                        Einar Gíslason

                        Ingimar Ingimarsson

                        Páll Pálsson