Rökkurganga í Glaumbæ

Við ætlum að njóta samveru í rökkrinu í gamla bænum í Glaumbæ sunnudaginn, 1. desember

 

Það verður að venju sögustund í baðstofunni í Glaumbæ. Þá koma þjóðháttaáhugafólk frá Akureyri og félagar úr Kvæðamannafélaginu Gefjunni í heimsókn og verða með jólastarfsdag í gamla bænum. Andrúmsloftið í bænum verður eins og við jólaundirbúning árið 1910. Hópurinn verður með kveðskap og sýnir tóvinnu, kertagerð, laufabrauðsútskurð og skreyta jólatré.

Einnig munu konurnar í Pilsaþyt gleðja gesti með nærveru sinni.

 

Jólamarkaður verður með smáframleiðendum í Skagafirði, kaffistofan í Áshúsi verður opin og sannur hátíðarbragur yfir svæðinu.

 

Frír aðgangur verður á safnið á meðan á viðburðinum stendur kl. 15-17.

Við hvetjum fólk til þess að mæta með góða skapið og vasaljós, hlökkum til að sjá ykkur!