Atvinnu-, menningar- og kynningarnefnd Svf Skagafjarðar

Tekin fyrir styrkbeiðni frá Sirkus Íslands dagsett 15.01.2019.
Atvinnu-, menningar- og kynningarnefnd þakkar erindið og felur starfsmönnum nefndarinnar að afla frekari upplýsinga um verkefnið.

Tekin fyrir styrkbeiðni frá Sögusetri íslenska hestsins dagsett 17.01.2019.
Atvinnu-, menningar- og kynningarnefnd samþykkir að styrkja Sögusetrið um 1.500.000 kr til starfseminnar á árinu 2019. Fjármunir teknir af málaflokki 05890.

Kynnt samantekt á um fjölda félagsheimila sem eru með virkan rekstrarsamning.
Atvinnu-, menningar- og kynningarnefnd felur starfsmönnum nefndarinnar að kanna vilja núverandi rekstraraðila til að endurnýja samninga þar sem samningar eru ekki í gildi.

Tekin fyrir tillaga Berglindar Þorsteinsdóttur, safnstjóra Byggðasafns Skagfirðinga, um breytingu á gjaldskrá Byggðasafnsins fyrir 2019.
Atvinnu-, menningar- og kynningarnefnd samþykkir að íbúar Sveitarfélagsins Skagafjarðar geti keypt aðgangsmiða að safninu sem gildir í heilt ár óháð fjölda heimsókna. Nefndin hvetur íbúa sveitarfélagsins til að nýta þennan möguleika.
Nefndin vísar erindinu til staðfestingar Byggðaráðs.

Lögð fram til umfjöllunar áfangastaðaáætlun fyrir Norðurland að beiðni Atvinnu- og nýsköpunarráðuneytisins dagsett 25. janúar 2019.
Atvinnu-, menningar- og kynningarnefnd vísar skýrslunni til umfjöllunar í samstarfshópi Sveitarfélagsins Skagafjarðar og Félagi ferðaþjónustunnar í Skagafirði.

Lögð fram skýrsla Þjóðskjalasafns Íslands um starfsemi Héraðsskjalasafns Skagfirðinga og starfsemi héraðsskjalasafna á Íslandi.
Atvinnu-, menningar- og kynningarnefnd óskar eftir að fá héraðsskjalavörð á fund nefndarinnar til að fjalla um niðurstöður skýrslunnar.

Lagt fram til kynningar bréf frá Atvinnu- og nýsköpunarráðuneytinu dagsett 30.01.2019.
Ráðuneytið varð við öllum breytingartillögum nefndarinnar nema undanþágu frá löndun tvöfalds magns afla.