Atvinnu-, menningar- og kynningarnefnd Svf Skagafjarðar

Tekin fyrir styrktarbeiðni frá Leikhópnum Lottu dagsetta 14.10.19 um leiksýninguna Hans klaufi.
Atvinnu-, menningar- og kynningarnefnd samþykkir að styrkja leikhópinn sem svarar gistikostnaði og vísar beiðni um afnot af íþróttahúsinu á Sauðárkróki til Félags- og tómstundarnefndar.

Tekin fyrir styrktarbeiðni frá Kirkjukór Glaumbæjarprestakalls dagsetta 14.10.19 varðandi messuferð til Edinborgar.
Atvinnu-, menningar- og kynningarnefnd samþykkir að styrkja kórinn um 200.000 kr vegna messuferðar til Edinborgar.
Tekið af 13890.

Tekin fyrir umbótaáætlun frá Sólborgu Unu, Héraðsskjalaverði Skagfirðinga.
Sólborg Una sat fundinn undir þessum lið.
Atvinnu-, menningar- og kynningarnefnd samþykkir framlagða umbótaáætlun. Nefndin hvetur mannauðsstjóra og forstöðumenn stofnanna til að kynna sér skyldur sínar gagnvart skjalavörslu stofnanna. Héraðsskjalavörður er reiðubúin til að aðstoða og/eða leiðbeina forstöðumönnum um skyldur sínar í skjalavörslu.

Lögð fram gjaldskrá Héraðsskjalasafns Skagfirðinga fyrir árið 2020. Gjaldskráin lítið breytt milli ára.
Atvinnu-, menningar- og kynningarnefnd samþykkir gjaldskrána og vísar henni til afgreiðslu byggðarráðs.

Lögð fram gjaldskrá Héraðsskjalasafns Skagfirðinga fyrir árið 2020. Gjaldskráin er óbreytt milli ára.
Atvinnu-, menningar- og kynningarnefnd samþykkir gjaldskrána og vísar henni til afgreiðslu byggðarráðs.

Lögð fram gjaldskrá Héraðsbókasafns Skagfirðinga fyrir árið 2020. Gjaldskráin er óbreytt milli ára.
Atvinnu-, menningar- og kynningarnefnd samþykkir gjaldskrána og vísar henni til afgreiðslu byggðarráðs.

Lagt fram til kynningar áfangaskýrsla Flugklasans Air 66N.