Atvinnu- og ferðamálanefnd

Árni Gunnarsson frá kvikmyndafélaginu Skottu og Ingileif Oddsdóttir skólameistari Fjölbrautaskóla Norðurlands vestra komu til fundarins. Fjallað var um stöðu mála varðandi uppbyggingu náms í kvikmyndagerð og öðrum skapandi greinum við FNV.

Nefndin fagnar þeirri miklu grósku sem er í uppbyggingu nýrra námsbrauta við FNV, s.s. á sviði kvikmyndagerðar, íþróttaakademíu og plast- og trefjanáms. Sérstaklega fagnar nefndin fyrirhugaðri uppbyggingu kvikmyndabrautar og skorar á stjórnvöld að láta ekki þar staðar numið heldur styðja við uppbyggingu námsframboðs við skapandi greinar, náms sem höfðar til beggja kynja og húsnæðis og aðstöðu fyrir námið.

Lögð fram drög að samningi milli Alþýðulistar og sveitarfélagsins um rekstur húsnæðis undir starfsemi Alþýðulistar í Varmahlíð. Nefndin samþykkir fyrirliggjandi drög og fela sviðsstjóra að ganga frá samningi.

Lögð fram til kynningar svör Sjávarútvegs- og landbúnaðarráðuneytis varðandi byggðakvóta þar sem ráðuneytið fellst á sjónarmið og rökstuðning sveitarfélagsins og samþykkir breytingartillögur þess.