Atvinnu- og ferðamálanefnd

Staðgengill sviðsstjóra kynnti málefni Upplýsingamiðstöðvar sumarið 2009. Óskað var eftir að Guðrún Brynleifsdóttir komi á næsta fund nefndarinnar og skýri nánar út starfsemi í sumar.

Erindi Trausta Sveinssonar fyrir hönd Klaufbrekknadals ehf er hafnað eins og það er lagt fyrir. Staðgengli sviðsstjóra er falið að hafa samband við sveitarfélögin sem gætu átt hagsmuni af verkefni sem þessu og ræða við þau um mögulegt framhald verkefnisins.

Nýsköpunarsjóður hefur úthlutað nú þegar þannig að ekki kemur til aðildar Sveitarfélagsins Skagafjarðar í ár.

Lögð fram drög að samningi við Sigurð Skagfjörð um rekstur tjaldsvæðisins í Varmahlíð. Samþykkt að ganga til samninga við Sigurð á þeim forsendum sem fram koma í samningnum.

Lögð fram fundargerð aðalfundar UB Koltrefja ehf. Hluthafasamkomulagið um UB koltrefja er nú útrunnið en nefndin lýsir áhuga sínum á að framlengja samkomulagið.

Um 80 manns eru á atvinnuleysisskrá í Skagafirði. Nefndin óskar eftir að fá yfirlit yfir aðgerðir sveitarfélagsins vegna sumarstarfa á sumrinu 2009 á næsta fund.

Verkefnið var lagt fram til kynningar.