Atvinnu- og ferðamálanefnd

Til fundarins komu Pétur Friðjónsson og Ágúst Andrésson sem kynntu sjálfseignarstofnunina Umhverfið þitt ses. og þá einkum hugmyndir um framleiðslu lífdísel á Sauðárkróki.
Nefndin fagnar framkomnum hugmyndum og felur sviðsstjóra að vinna að verkefninu.

Nefndin gerir ekki breytingar á fjárhagsáætlun frá fyrstu umræðu.

Sviðsstjóri lagði fram hugmynd um að sveitarfélagið standi fyrir málþingi um atvinnumál og atvinnuþróun í Skagafirði.
Nefndin felur sviðsstjóra að vinna áfram að málinu.

Sviðsstjóri lagði fram minnisblað um aðgerðaáætlun til að bregðast við mögulegu atvinnuleysi í Skagafirði á komandi sumri.
Nefndin felur sviðsstjóra að vinna áfram að málinu.

Atvinnumálanefnd Skagafjarðar lýsir þungum áhyggjum vegna ákvörðunar um sameiningu heilbrigðisstofnana á Norðurlandi. Nefndin vísar í viðtal við forstjóra FSA í fjölmiðlum þar sem hann tilkynnir lokun fæðingardeildar á Heilbrigðisstofnuninni á Sauðárkróki. Gangi það eftir mun það þýða fækkun starfa á heilbrigðisstofnuninni og því mótmælir nefndin harðlega.