Byggðarráð Svf. Skagafjarðar

Byggðarráð samþykkir að fela sveitarstjóra að semja kjörskrá. Jafnframt er sveitarstjóra veitt fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna forsetakosninga 25. júní nk. í samræmi við 27. gr. laga um kosningar til Alþingis.

Lögð fram gjaldsskrá fyrir garðslátt vinnuskólans árið 2016 sem vísað var til byggðarráðs af 234. fundi félags- og tómstundanefndar þann 8. júní 2016.
Byggðarráð samþykkir gjaldskrána.

Lagður fram tölvupóstur úr máli 1606157, dagsettur 13. maí 2016 frá embætti sýslumannsins á Norðurlandi vestra, þar sem óskað er umsagnar um umsókn Baldurs Reynis Sigurðssonar, kt. 261272-5129, Hellulandi, 551 Sauðárkrókur, f.h. Hvíta villan ehf. kt. 580314-0660, um leyfi til að reka gististað, heimagistingu í flokki I að Hellulandi, 551 Sauðárkróki.
Byggðarráð gerir ekki athugasemd við umsóknina.

Lagt fram bréf dagsett 11. apríl 2016 frá Auði Björk Birgisdóttur og Rúnari Páli Hreinssyni, Grindum um leigu á sundlauginni á Hofsósi undir starfsemi Miðnæturbaða haustið 2016. Erindinu vísað frá 234. fundi félags- og tómstundanefndar.
Byggðarráð samþykkir bókun félags- og tómstundanefndar.

Á 33. fundi atvinnu-, menningar- og kynningarnefndar var samþykkt tillaga þess efnis að hafa gjaldfrjálsan aðgang að Minjahúsinu á Sauðárkróki út sumarið 2016. Ekki er gert ráð fyrir að þetta hafi áhrif á tekjuáætlun Byggðasafnsins á árinu 2016. Nefndin samþykkir tillöguna og beinir henni til Byggðarráðs til staðfestingar.
Byggðarráð samþykkir afgreiðslu atvinnu-, menningar- og kynningarnefndar.

Byggðarráð samþykkir að fresta afgreiðslu málsins.

Lagður fram tölvupóstur dagsettur 8. júní 2016 frá Samtökum sveitarfélaga á Norðurlandi vestra varðandi stefnumótandi byggðaáætlun 2017-2023 sem Byggðastofnun vinnur nú að. Óskað er eftir upplýsingum um það hverjar eru áherslur aðildarsveitarfélaga SSNV varðandi Byggðaáætlun.
Byggðarráð samþykkir að taka málið aftur á dagskrá á næsta fundi.

Lagður fram tölvupóstur dagsettur 13. júní 2016 frá Grifflu, bókaforlagi þar sem óskað er eftir styrk við útgáfu á notendavænni rafrænni útgáfu af öllum Íslendingasögunum.
Byggðarráð þakkar fyrir erindið en getur ekki orðið við óskum um styrk.

Lagt fram bréf frá Orkustofnun, dagsett 17. maí 2016 varðandi beiðni um umsögn Iceland Resources ehf. um leyfi til leitar og rannsókna á málmum í Hörgárdal, Öxnadal og nágrenni á Tröllaskaga.
Byggðarráð gerir ekki athugasemdir við umsóknina.

Lagt fram til kynningar bréf dagsett 3. júní 2016 frá innanríkisráðuneytinu varðandi greiðslur til sveitarfélaga vegna forsetakosninga 2016.

Lagður fram til kynningar ársreikningur 2015 fyrir Markasskrifstofu Norðurlands.

Lögð fram til kynningar niðurstaða á rafrænni könnun á stöðu leiguíbúða sveitarfélaga 31. desember 2015.

Lögð fram til kynningar tilkynning dagsett 13. maí 2016 frá Varasjóði húsnæðismála vegna umsókna sveitarfélaga um framlög vegna sölu félagslegra íbúða á almennum markaði.