Byggðarráð Svf. Skagafjarðar

Á 767. fundi byggðarráðs var samþykkt að ganga að hæsta tilboði í fasteignina Borgarflöt 1, frá IG Ferðum ehf. IG Ferðir ehf. hafa nú fallið frá tilboði sínu með tölvupósti þann 9. desember 2016.

Byggðarráð samþykkir að gera næstbjóðanda, Þreksporti ehf., gagntilboð.

Lögð fram tillaga að breytingu á gjaldskrá vegna kostnaðar við skipulagsvinnu og útgáfu framkvæmdaleyfa í Sveitarfélaginu Skagafirði. Gjaldskránni var vísað frá 295. fundi skipulags- og byggingarnefndar þann 9. desember 2016.

Byggðarráð samþykkir gjaldskrána og vísar henni til afgreiðslu sveitarstjórnar.

Lögð fram drög að endurnýjun á vátryggingasamningi við Vátryggingafélag Íslands til fjögurra ára frá 1. janúar 2017 að telja. Lögð verður áhersla á náið samstarf í forvarna- og öryggismálum á samningstímanum.

Byggðarráð samþykkir framlögð samningsdrög.

Lögð fram fjárhagsáætlun fyrir árin 2017-2021.

Byggðarráð samþykkir með tveimur atkvæðum að vísa fjárhagsáætluninni til síðari umræðu í sveitarstjórn. Fulltrúi Vg og óháðra, Bjarni Jónsson situr hjá við afgreiðsluna.